શ્રાવણ માસ / કેમ થાય છે ઉજૈનમાં 'ભસ્મ આરતી' જાણો તેના મહત્વ અને રહસ્ય વિષે

• કેમ થાય છે ઉજ્જૈનમાં ભસ્મ આરતી
• શીવજીની લીલા છે અપરંપાર
• ભસ્મ છે શીવજીનો શણગાર

બીજા દેવી દેવતાઓના શણગાર, સોના-ચાંદીના ઘરેણાથી થતો હોય છે પરંતુ શીવજીની પર્સનાલિટી બધા દેવી દેવતા કરતા અલગ છે. મહાદેવ ભસ્મ અને નાગ ધારણ કરે છે. મહાકાલેશ્વર મંદિરમાં ભસ્મની આરતી કરવાનો રિવાજ ઘણા વર્ષોથી ચાલતો આવે છે. આ આરતી પાછળ ઘણી માન્યતાઓ પ્રચલિત છે. 

ભસ્મ એ જ સૃષ્ટિનો સાર
ભસ્મને સૃષ્ટિનો સાર માનવામાં આવ્યો છે. એક દિવસ એવો આવશે કે સમગ્ર સૃષ્ટિનો નાશ થઇ જશે અને તે રાખમાં ફેરવાઇ જશે, આ રાખ શિવજી ધારણ કરે છે. જ્યારે સંસારનો નાશ થશે ત્યારે દરેક પ્રાણીઓની આત્મા અને આખી સૃષ્ટિ શિવજીમાં જ વિલીન થઇ જશે. શાસ્ત્રોની માન્યતા છે કે, સમય-સમય પર પ્રલય થાય છે અને બધું નષ્ટ થઇ જાય છે. ત્યારબાદ બ્રહ્માજી સૃષ્ટિની રચના કરે છે અને આ ક્રમ ચાલતો જ રહે છે.

આ રીતે ભસ્મ થાય છે તૈયાર
શિવપુરાણ પ્રમાણે ભસ્મને તૈયાર કરવા માટે કપિલા ગાયના છાણા, પીપળો, વડ, ગરમાળો અને બોરના વૃક્ષની લાકડીઓને એકસાથે અગ્નિ આપવામાં આવે છે. મંત્રોચ્ચાર કરવામાં આવે છે. આ વસ્તુઓથી જે ભસ્મ તૈયાર થાય છે તેને કપડાંથી ચાળવામાં આવે છે. આ પ્રકારે તૈયાર કરેલી ભસ્મ શિવલિંગ પર અર્પિત કરવામાં આવે છે.