ડિરેક્ટર-પ્રોડ્યુસર કરણ જોહરના ચેટ શો 'Koffee with Karan'ની આ સિઝનમાં ઘણી એવી જોડીઓ આવી રહી છે જેના વિશે તમે ક્યારેય ના વિચાર્યુ હોય. સૌથી પહેલા આલિયા-દીપિકા અને તે પછી સૈફ-સારા આ શોમાં ગેસ્ટ બન્યા હતા જોકે આ વખતે કરણ જોહરે પોતાના શોમાં ક્રિકેટર હાર્દિક પંડ્યા અને કે.એલ. રાહુલને પણ બોલાવ્યા હતા.
તાજેતરમાં જ ટેલિકાસ્ટ થયેલા આ એપિસોડમાં હાર્દિક પંડ્યા અને કે.એલ. રાહુલે એકબીજાની પ્રોફેશનલ લાઇફ સિવાય પર્સનલ લાઇફને લઇને પણ ઘણા ખુલાસા કર્યા. જ્યારે કરણ જોહરે રેપિડ ફાયર રાઉન્ડમાં કે.એલ. રાહુલને પોતાના સેલિબ્રેટી ક્રશ માટે પૂછ્યુ ત્યારે તેણે મલાઇકા અરોરાનું નામ લીધુ. જોકે રાહુલ આગળ જણાવ્યુ કે જોકે હવે મલાઇકા તેની ક્રશ નથી રહી જ્યારથી તેની અર્જૂન કપૂર સાથે રિલેશનશિપની ચર્ચા થઇ રહી છે.
આ વચ્ચે જણાવી દઇએ કે કરણ જોહર આ પહેલા પણ કહી ચૂક્યો છે તેના શોની આ સિઝનની ફિનાલેમાં પ્રિયંકા ચોપરા અને કરિના કપૂર ખાનની જોડી દેખાશે. આ પહેલા કરણ જોહરની 'કોફી વિથ કરણ' સિઝન 6માં અત્યાર સુધી આલિયા-દીપિકા અક્ષય-રણવીર વરૂણ-કેટરિના કાજોલ- અજય દલજીત- બાદશાહ વિકી-આયુષ્માન સોનમ-રિયા અને હર્ષવર્ધન કપૂર જેવા સ્ટાર્સ ગેસ્ટ બની ચૂક્યા છે.