પેટાચૂંટણી / ડાકોર ન.પાની 8 બેઠકોમાંથી 5 ભાજપ, 3 અપક્ષના ફાળે, જાણો ખેડા-નડીયાદની તા.પં.-જિ.પં.ના ચૂંટણી પરિણામ

• ગાંધીનગર મહાનગરપાલિકા પર ભાજપની સત્તા!
• કમલમ્ ખાતે ભવ્ય વિજયોત્સવની તૈયારી
• CM ભૂપેન્દ્ર પટેલ અને સી.આર. પાટીલ રહેશે હાજર

ગાંધીનગર મહાનગર પાલિકા સહિત રાજ્યની 31 જિ.પં., 81 ન.પા. અને 231 તા.પંના ચૂંટણીના પરિણામ જાહેર થઇ રહ્યા છે. ત્યારે મહાનગર પાલિકા બાદ અન્ય પાલિકાઓમાં પણ ભાજપ આગળ છે. આ ચૂંટણીમાં ભાજપ, કોંગ્રેસ અને આમ આદમી પાર્ટીએ એડીચોટીનું જોર લગાવ્યું હતું. જોકે આ ચૂંટણીઓમાં ભાજપને સફળતા મળતી દેખાઇ રહી છે.

નગરપાલિકા-જિલ્લા પંચાયતની પેટા ચૂંટણીનું પરિણામ 

ડાકોર ન.પા કુલ 4 વોર્ડની 8 બેઠકનું પરિણામ સામે આવ્યું છે. 8 બેઠકોમાંથી 5 ભાજપ અને 3 અપક્ષના ફાળે ગઇ છે. ખેડા નગરપાલિકાની 2 વોર્ડની 3 બેઠકનું પરિણામ પણ જાહેર થયું છે. ખેડા નગરપાલિકાની ત્રણેય બેઠક પર ભાજપ વિજેતા થયું છે. 

ખેડા જિલ્લા પંચાયતની વાઘરોલી બેઠક પર ભાજપ વિજેતા થયા છે. ભાજપના ઉમેદવાર દીપસિંહ રાઠોડ 1656 મતેથી વિજેતા થયા છે. 4 તાલુકા પંચાયતની બેઠકો પર ચૂંટણી યોજાઇ હતી. 2 કોગ્રેસ, 1 ભાજપ અને 1 AAP બેઠેકો જીત્યા છે.

તો નડીઆદ તા.પં.ની જાવોલ બેઠક પર કોંગ્રેસના ઈશ્વર સોઢા વિજેતા થયા છે. માતર તા.પં.ની ભલાળા બેઠક પર AAPના ધીરુ પરમાર વિજેતા થયા છે. માતર તા.પં.ની મહેલજ બેઠક જબીરહુસેન મલેક વિજેતા થયા છે. ખેડા તા.પં.ની રઢું બેઠક પર ભાજપના કનુ સોલંકીની જીત થઇ છે.