ધરપકડ / RSSના કાર્યકર્તાએ સંઘ કાર્યાલય અને પોલીસ ચોકીમાં એવું કામ કર્યું કે પોલીસે ધરપકડ કરવી પડી

• RSSના એક કાર્યકર્તાની બોમ્બ ફેંકીને અશાંતિ ફેલાવવાના આરોપમાં ધરપકડ    
• પોલીસે આરોપીની મંગળવારે તમિલનાડુના કોયમ્બતુરથી ધરપકડ કરી છે
• આરોપી આરએસએસ કાર્યકર વિરુદ્ધ ઘણા ગૂનાકીય મામલા નોંધાયેલા છે

પોલીસે આરોપીની મંગળવારે તમિલનાડુના કોયમ્બતુરથી ધરપકડ કરી છે. કથીરૂર પોલીસ અનુસાર, પ્રબેશે કથિત રૂપે આરએસએસ કાર્યાલય કાઠિરુર મનોજ સ્મૃતિ કેન્દ્રમની સામે પોલીસ પિકેટની તરફ બોમ્બ ફેંક્યો. 

ઇન્ડિયા ટૂડેની રિપોર્ટ અનુસાર કાઠિરૂર સ્ટેશનના સબ ઇન્સ્પેક્ટર નિજેશે જણાવ્યું કે, આરોપીએ 16 જાન્યુઆરીએ સવારના સમયે બોમ્બ ફેંક્યો. ધરપકડ બાદ તેણે કબૂલ્યું કે તેના નિશાને આરએસએસ કાર્યાલય હતું. કન્નૂર રાજનીતિક રૂપે સંવેદનશીલ ક્ષેત્ર છે અને એવામાં કોઇપણ રાજકીય પાર્ટી કાર્યાલયો પર હુમલાને વિરોધી દ્વારા કરવામાં આવેલું કામ માનવામાં આવશે. 

નિજેશે આગળ કહ્યું કે, હમણા થોડા મહીના માટે અહીં એક પોલીસ પિકેટ બનાવવામાં આવ્યું હતું. અમને લાગી રહ્યું છે કે આરોપી પોલીસને તેમની જગ્યાએથી હટાવીને વિસ્તારમાં અશાંતિ પેદા કરવા ઇચ્છતો હતો. સીસીટીવી ફુટેજને કારણે અમે સ્થિતિ પર નજર બનાવી રાખી હતી. ઘટના બાદ તાત્કાલીક તેની ઓળખ કરવામાં આવી. હુમલા બાદ તે કોયમ્બતુર ચાલ્યો ગયો અને ત્યાં છુપાઇ ગયો હતો. અમારી ટીમે તેને કોયમ્બતુરથી શોધી કાઢ્યો. 

પોલીસે સાથે જણાવ્યું કે, આરોપી પ્રબેશની વિરુદ્ધ ઘણા ગૂનાકીય મામલા લંબિત હતા. જેમાંથી વિસ્ફોટક પદાર્થ અધિનિયમ, 1883 હેઠળ ફરિયાદ પણ સામેલ છે. તેની કાઠિરુર એસઆઇ નિજેશ, સીપીઓ રોહિથ અને વિજેશની નેતૃત્વ વાળી ટીમે ધરપકડ કરી હતી. 

નોંધનીય છે કે, આ ક્ષેત્રમાં આરએસએસ (RSS) કાર્યાલયનું નામ કાથિરૂર મનોજના એક વરિષ્ઠ કાર્યકર્તાના નામ પર રાખવામાં આવ્યું છે.