પણે ખરીદી કરવા વગેરે જઈએ છીએ, ત્યારે પાર્કિંગ ચાર્જ ચૂકવીએ છીએ પણ કેરળ હાઇકોર્ટે શોપિંગ મોલ જેવા કોમર્શિયલ સ્થળોએ પાર્કિગ ફી ને ગેરકાયદેસર ગણાવતી ટિપ્પણી કરી હતી.
કાર પાર્કિંગના ચાર્જિસને લઈને હાઇકોર્ટમા દલીલ
શોપિંગ મોલ જેવા કોમર્શિયલ સ્થળોએ પાર્કિંગ ફી ગેરકાયદેસર
કોર્ટે કહ્યું કાલે ઊઠીને તમે લિફ્ટના પણ પૈસા લેશો
સામાન્ય રીતે, જ્યારે આપણે ખરીદી કરવા વગેરે જઈએ છીએ, ત્યારે આપણી કાર સુરક્ષિત રીતે પાર્ક કરવા માટે ફી ચૂકવીએ છીએ. પરંતુ કેરળ હાઈકોર્ટે શુક્રવારે શોપિંગ મોલ જેવા કોમર્શિયલ સ્થળોએ પાર્કિંગ ફી વસૂલવાનું ગેરકાયદેસર ગણાવ્યું હતું.
કોર્ટે કહ્યું કે આજે તમે પાર્કિંગ માટે પૈસા માંગી રહ્યા છો. કાલ તો તમે લિફ્ટ માટે પણ પૈસા લેવાનું શરૂ કરશો, તે ગેરકાયદેસર છે. ખરેખર તો આ ટિપ્પણી એટલા માટે કરવામાં આવી છે કારણ કે થોડા દિવસો પહેલા એક અભિનેતા પાસેથી પાર્કિંગના નામે 20 રૂપિયા લેવામાં આવ્યા હતા.
આગામી સુનાવણી સુધી નિર્ણય સ્થગિત
જો કે આ કેસમાં કોર્ટે હજુ સુધી પોતાનો ચુકાદો આપ્યો નથી. ન્યાયાધીશે કહ્યું કે કોર્ટ બંને પક્ષોને સાંભળ્યા પછી જ કોઈ અંતિમ નિર્ણય પર પહોંચશે. કેસની આગામી સુનાવણી 21 ફેબ્રુઆરી 2022ના રોજ થશે.
કેરળનો મામલો
આ મામલો કેરળના એર્નાકુલમમાં આવેલા લુલુ ઈન્ટરનેશનલ શોપિંગ મોલનો છે. સુનાવણી દરમિયાન ન્યાયાધીશ પીવી કુન્હિક્રિષ્નને કહ્યું કે કેરળ મ્યુનિસિપાલિટી બિલ્ડિંગ રૂલ્સ 1994 મુજબ, બિલ્ડિંગ માલિકની જવાબદારી છે કે તે તમામ લોકો માટે પાર્કિંગની વ્યવસ્થા કરે જે ફરજિયાત રીતે પરિસરમાં આવે છે. તેમણે તેમના અગાઉના અભિપ્રાયને ફરી જણાવ્યો હતો કે આવા સંજોગોમાં પાર્કિંગ ફી જમા કરાવવી એ પ્રથમ દૃષ્ટિએ ગેરકાયદેસર ગણવામાં આવશે.
સર્વિસ ચાર્જ બરાબર નથી
જસ્ટિસ કુન્હીક્રિષ્નને ટિપ્પણી કરી હતી કે મારા મતે, પાર્કિંગની જગ્યાના સમાવેશ પર જ બિલ્ડિંગની પરવાનગી આપવામાં આવે છે. તમે તે પાર્કિંગ સુવિધા સાથે બિલ્ડિંગ પરમિટ આપ્યા પછી વધારાની ફી વસૂલ કરી શકતા નથી, કારણ કે તે બિલ્ડિંગનો એક ભાગ છે. આ સિવાય કોર્ટે વકીલને કહ્યું કે કાલથી તમે લિફ્ટ માટે પણ ફી વસૂલવાનું શરૂ કરી દેશો, કારણ કે તમે સર્વિસ આપી રહ્યા છો. આ યોગ્ય નથી.
પૈસા લેવા નિયમોની વિરુદ્ધ
કેરળ હાઈકોર્ટ એ અરજીની સુનાવણી કરી રહી હતી, જે ફિલ્મ નિર્દેશક પોલી વદક્કન દ્વારા એડવોકેટ જોમી કે જોસ દ્વારા દાખલ કરવામાં આવી હતી. તમને જણાવી દઈએ કે આ મહિનાની શરૂઆતમાં જ્યારે તે મોલમાં ગયા ત્યારે તેમની પાસેથી પાર્કિંગ ફી તરીકે 20 રૂપિયા લેવામાં આવ્યા હતા. અરજીમાં એવી દલીલ કરવામાં આવી છે કે આ કેરળ મ્યુનિસિપાલિટી એક્ટ અને કેરળ મ્યુનિસિપાલિટી બિલ્ડિંગ નિયમોનું ઘોર ઉલ્લંઘન છે, જે મુજબ કોમર્શિયલ કોમ્પ્લેક્સમાં પાર્કિંગ માટે મંજૂર બિલ્ડિંગ પ્લાનમાં નિર્ધારિત જગ્યાને પે એન્ડ પાર્કમાં બદલી શકાતી નથી.