બોલિવૂડ / અમિતાભ બચ્ચને પણ કરી હતી 'બાબા કા ઢાબા'ના બાબાની મદદ, એક ઝાટકે આપી દીધા હતા આટલા લાખ

• KBCમાં બાબા કા ઢાબાને લઈને થઈ વાત
• અમિતાભ બચ્ચને કરી હતી આટલી મદદ
• હવે બાબા એક શાનદાર રેસ્ટોરન્ટના માલિક બની ગયા છે. 

એટલું જ નહીં, બાબા કા ઢાબાવાળા વૃદ્ધ વ્યક્તિની મદદ કરનારાઓમાં બિગ બીનું નામ પણ સામેલ છે. ઢાબાવાળા બાબા એટલે કે કાંતા પ્રસાદે જણાવ્યું કે અમિતાભ બચ્ચને કોઈકને પર્સનલી મોકલીને તેમને 5.5 લાખ રૂપિયાની મદદ કરી હતી. 

હકીકતમાં શુક્રવારે પ્રસારિત થયેલાં કૌન બનેગા કરોડપતિ એપિસોડમાં બિગ બીની સામે હોટસીટ પર બોલિવૂડ અભિનેત્રી રવીના ટંડન બેઠી હતી. આ દરમિયાન એક સવાલની વચ્ચે બિગ બીએ કહ્યું કે, હવે સોશિયલ મીડિયા પર ઉઠેલાં કોઈપણ મુદ્દે લોકો દિલ ખોલીને મદદ કરવા પહોંચી જાય છે. 

This video completely broke my heart. Dilli waalon please please go eat at बाबा का ढाबा in Malviya Nagar if you get a chance 😢💔 #SupportLocal pic.twitter.com/5B6yEh3k2H

— Vasundhara Tankha Sharma (@VasundharaTankh) October 7, 2020

બિગ બીએ આગળ કહ્યું કે, જે રીતે દિલ્હીમાં એક નાનકડો ઢાબો ચલાવનાર બાબા લોકડાઉનમાં એક એક રૂપિયા માટે પરેશાન થઈ ગયા હતા અને જ્યારે બાબાનો વીડિયો વાયરલ થયો તો થોડાં જ દિવસમાં તેમની પાસો લોકોની ભીડ લાગી ગઈ અને તેમની દુકાન ચાલી પડી. બાબાના આ કિસ્સા અંગે રવીના ટંડને પણ વાત કરી. રવીનાએ કહ્યું-બાબાએ હવે નવું રેસ્ટોરન્ટ પણ ખોલી દીધું છે. 

કેબીસીમાં ઢાબાવાળા બાબા વિશે ચર્ચા થયા બાદ એક ન્યૂઝ પોર્ટલે બાબાનો સંપર્ક કર્યો અને વાતચીત કરી તો બાબાએ જણાવ્યું કે બિગ બીએ પણ તેમની મદદ માટે 5.5 લાખ રૂપિયા મોકલ્યા હતા. એ પછી બાબાએ તમામ સેલિબ્રિટીને નિવેદન કર્યું હતું કે તેઓ માત્ર 5 સ્ટાર હોટલ્સમાં જ ખાવાનું ન ખાય પરંતુ અમારા જેવા લોકોની દુકાન પર જઈને પણ ખાય. આ સાથે જ બાબાએ એકવાર બિગ બીને મળવાની ઈચ્છા પણ જાહેર કરી અને કહ્યું કે ક્યારેક બિગ બી દિલ્હી આવે અને અમારા ઢાબા પર આવી ખાય. 

Delhi: Kanta Prasad, the 80-year-old owner of 'Baba Ka Dhaba', starts a new restaurant in Malviya Nagar.

"We're very happy, god has blessed us. I want to thank people for their help, I appeal to them to visit my restaurant. We will serve Indian & Chinese cuisine here," he says. pic.twitter.com/Rg8YAaJ1zk

— ANI (@ANI) December 21, 2020

તમને જણાવી દઈએ કે, દિલ્હીમાં બાબા કા ઢાબા ખૂબ જ ચર્ચામાં રહ્યું હતું. થોડા મહિનાઓ પહેલા ગ્રાહક ન આવવાના કારણે પરેશાન થઈને ઢાબાના માલિક કાંતા પ્રસાદ એટલે કે બાબા રડી પડ્યા હતા. આ વિડીયો સોશિયલ મીડિયા પર વાઈરલ થયો, તો લોકો તેમની મદદ કરવા માટે આગળ આવ્યા. પરિણામે બાબાના ખાલી પડેલા ઢાબા પર ગ્રાહકોની લાંબી લાઈનો લાગવા લાગી હતી. ત્યારે હવે તેઓ એક શાનદાર રેસ્ટોરન્ટના માલિક બની ગયા છે. સાઉથ દિલ્હીના માલવીય નગરમાં બાબાએ હાલમાં જ એક રેસ્ટોરન્ટ ખોલ્યું છે. જેમાં બાબા કેશ કાઉન્ટર પર બેસે છે.