મનોરંજન / KBC 14 :જુડવા ભાઈઓની સ્ટોરી સાંભળી અમિતાભ બચ્ચન પણ હસી પડ્યા, જાણો શું થયું પછી

• કૌન બનેગા કરોડપતિની સિઝન 14 
• એક લેટેસ્ટ પ્રોમોમાં જોડિયા ભાઈ જોવા મળ્યા
• બંને ભાઈઓની કહાની સાંભળી બીગ બી હસી પડ્યા

ટીવીના સુપરહિટ ક્વિઝ રિયાલિટી શો કૌન બનેગા કરોડપતિની સિઝન 14 ખૂબ જ મજેદાર રીતે આગળ વધી રહી છે. શોમાં ઘણા રસપ્રદ સ્પર્ધકો આવી રહ્યા છે. હાલમાં જ આ શોનો લેટેસ્ટ પ્રોમો રિલીઝ કરવામાં આવ્યો છે જેમાં બે જુડવા ભાઈઓ ફની સ્ટોરીઝ શેર કરતા જોવા મળી રહ્યા છે. બંને ભાઈઓની સમસ્યાઓ સાંભળીને બિગ બી પણ હસી પડે છે. કેબીસીના લેટેસ્ટ એપિસોડમાં દર્શકોને ખૂબ મજા પડવાની છે.

ઇન્સ્ટાગ્રામ પેજ પર પ્રોમો રીલીઝ
સોની ટીવીના ઇન્સ્ટાગ્રામ પેજ પર આ લેટેસ્ટ પ્રોમો રિલીઝ કરવામાં આવ્યો છે, જેમાં અનુરાગ કુમાર નામનો સ્પર્ધક હોટ સીટ પર બેઠેલો જોવા મળી રહ્યો છે. સાથે તેમનો પરિવાર દર્શકોની વચ્ચે બેઠો છે. માતા અને બે ભાઈઓ પણ છે.

 

 

 

 

View this post on Instagram

 

 

 

 

 

 

 

 

 

 

 

A post shared by Sony Entertainment Television (@sonytvofficial)

જોડિયા ભાઈના જણાવ્યા ફાયદા
આ દરમિયાન અનુરાગનું કહેવું છે કે ટેક્નોલોજીએ તેને ઘણું નુકસાન પહોંચાડ્યું છે, જો તે ફેસ લોક લાવે છે, તો ભાઈ પોતાનો ફોન ચહેરાથી ખોલી નાખે છે. આ સાંભળીને બિગ બી પૂછે છે કે શું તમે બંને જોડિયા છો? આ સાંભળીને અનુરાગની માતા જણાવે છે કે બંને વચ્ચે થોડી મિનિટોનો ફરક છે. પછી બંને ભાઈઓ જોડિયા હોવાના તેમના ગેરફાયદા કહે છે. આ દરમિયાન, જ્યારે બિગ બી તેને તેના ફાયદા વિશે પૂછવાનું શરૂ કરે છે, ત્યારે અનુરાગ કહે છે - જો બધું જાહેર થઈ જશે, પછી મામલો બગડી જશે."

બીગ બી સાથે શેર કર્યો હનીમૂનનો પ્લાન
આ પહેલીવાર નથી જ્યારે કેબીસીમાં હોટ સીટ પર બેઠેલા સ્પર્ધકે અમિતાભ બચ્ચન સાથે પારિવારિક વાતો શેર કરી હોય. બિગ બીને જોઈને શોના મોટાભાગના ખેલાડીઓ એટલા ભાવુક અને ઉત્સાહિત થઈ જાય છે કે તેઓ પોતાના મનની વાત કરતા પોતાને રોકી શકતા નથી. આ પણ દર્શકોનું મનોરંજન કરે છે. કેબીસીના પાછલા એક એપિસોડમાં એક ખેલાડીએ પોતાનો હનીમૂન પ્લાન પણ બિગ બી સાથે શેર કર્યો હતો.