ટીવી પર આવતો લોકપ્રિય શો કૌન બનેગા કરોડપતિ(KBC) તેની 11મી સિઝન સાથે ફરી આવી રહ્યો છે. આ દેશમાં હજારો લોકોના ચહેરા પર હાસ્ટય લાવવાની સાથે સાથે સપના પણ પૂરા કરી રહ્યો છે. શોના હોસ્ટ ભારતીય સિનેમાના મહાનાયક અમિતાભ બચ્ચન કરતા હોય ત્યારે કેટલાય લોકો તેને મળવા માટે પણ આ શોનો ભાગ બને તેવી આશા રાખતા હોય છે. આ શો માટે રજિસ્ટ્રેશન આજે એટલે કે 1 મેના રોજ રાત્રે 9 વાગ્યાથી શરૂ થઇ જશે. ટીવી પર સમગ્ર સપ્તાહ દરમિયાન કેટલાક સવાલો દર્શાવશે જેના જવાબ આપવા પડશે.
કેબીસીની હોટ સીટ પર બેસવા માગતા દર્શકો Sonylivની વેબસાઈટ પર જઇને રજિસ્ટ્રેશન કરી શકે છે. આ ઉપરાંત IVR અથવા SMS દ્વારા પણ ઓફલાઈન રજીસ્ટ્રેશન કરી શકો છો. રજીસ્ટ્રેશ પૂર્ણ થયાની જાણકારી ઇમેલ અથવા SMS દ્વાર મોકલી દેવામાં આવશે .જે પછી કેબીસીની ટીમ ભાગ લેનારા લોકોને શોર્ટલિસ્ટ કરશે. જે માટે અલગ-અલગ શહેરોમાં ઓડિશન લેવામાં આવશે. ભાગ લેવા માગતા લોકોની વીડિયો ટેસ્ટ પણ કરવામાં આવશે.
T 3089 - आदर आदाब अभिनंदन आभार ! मैं अमिताभ बच्चन प्रस्तुत करने जा रहा हूँ , इस वर्ष २०१९ का नया अभियान ... कौन बनेगा करोड़पति ... KBC !!🙏🙏❤️❤️🤗🤗🌹🌹
बहुत जल्द आपके घरों में !! pic.twitter.com/mzeLj36Wfh
ઉલ્લેખનીય છે કે અમિતાભ બચ્ચને થોડા દિવસો પહેલા જ કેબીસી 11ની સિઝન અંગે ટ્વિટ કરીને જાણકારી આપી હતી. અમિતાભે હિંદીમાં ટ્વીટ પણ કર્યુ કે, 'આદર, આદાબ અભિનંદન આભાર! હું અમિતાભ બચ્ચન પ્રસ્તુત કરવા જઈ રહ્યો છું, આ વર્ષ 2019નુ નવુ અભિયાન.. કૌન બનેગા કરોડપતિ.. ટૂંક સમયમાં જ તમારા ઘરોમાં'