ભાજપના નેતા બૈજયંત જય પાંડાએ દાવો કર્યો હતો કે બોલિવુડના કેટલાક સ્ટાર્સના દેશ વિરોધી તત્વો સાથે સંબંધો છે. ત્યારે હવે કેટલાક અભિનેતાની તસ્વીરો વાયરલ થઈ છે. જેમાં તેઓ કાશ્મીરમાં અલગતાવાદી ગતિવિધિઓમાં સામેલ નેતાઓ સાથે જોવા મળી રહ્યા છે. સોશિયલ મીડિયા પર આ તસ્વીરો વાયરલ થતાં હાહાકાર મચી ગયો છે.
બોલિવુડના કેટલાક સ્ટાર્સના તસ્વીરો થઈ વાયરલ
શાહરૂખ ખાનની અલગતાવાદી ટોની અશાઈ સાથે તસ્વીરો વાયરલ
ભાજપના નેતા બૈજયંત જય પાંડાએ કર્યા હતા મોટા દાવા
તસ્વીરોમાં સ્ટાર્સ ભારત વિરોધી ગતિવિધિઓ ચલાવતા પાકિસ્તાની એજન્ટો સાથે જોવા મળી રહ્યા છે. તસ્વીરોમાં દાવો કરવામાં આવ્યો છે કે ભારત વિરોધી તત્વો બોલિવુડમાં પોતાના પ્રભાવનો ઉપયોગ અલગતાવાદ, હિંસા ભડકાવવા અને ફંડ એકઠું કરવા માટે કરી રહ્યા છે. શાહરૂખ ખાન અને તેની પત્ની ગૌરી ખાનની તસ્વીરો કેલિફોર્નિયા બેસ્ટ કશ્મીરી અલગાવવાદી ટોની અશાઈ સાથે વાયરલ થઈ છે. ટોની અશાઈની ઓળખ કશ્મીરી યુવાઓને ભારત સામે ભડકાવનારા નેતાની રહી છે. જો કે આ તમામ તસ્વીરોની વીટીવી પુષ્ટી કરતું નથી.
કેટલાક સ્ટાર્સનું પાકિસ્તાની કનેક્શનઃ બૈજયંત જય પાંડા
મહત્વનું છે કે, ભાજપના રાષ્ટ્રીય ઉપાધ્યક્ષ અને પ્રવક્તા બૈજયંત જે પાંડાએ ચોંકાવનારા દાવા કર્યા હતા. પાંડાએ કહ્યું હતું કે બોલિવુડના અનેક સ્ટારના પાકિસ્તાની હેંડલરો સાથે સંપર્ક છે. પાંડાએ ટ્વિટ કરીને બોલિવુડના સ્ટાર્સના કેટલાક પાકિસ્તાની અને અપ્રવાસી ભારતીયો સાથે લિંક હોવાનો દાવો કર્યો હતો. જેમની જમ્મુ કાશ્મીરમાં હિંસા ભડકાવવામાં ભૂમિકા હતી. લોકસભાના સાંસદ પાંડાએ જો કે પોતાના ટ્વિટમાં કોઈનું નામ નથી લખ્યું. માત્ર કેટલાક બોલિવુડના સ્ટાર્સ એવું જ લખ્યું છે. પાંડાએ અપીલ પણ કરી કે બોલિવુડના દેશભક્ત લોકોએ આવા લોકો સાથે અંતર બનાવી દેવું જોઈએ. આવા લોકોનો બહિષ્કાર કરવો જોઈએ.
Came across shocking threads documenting personal & business links of some Bollywood personalities with certain Pakistanis & NRIs with undeniable track record encouraging violence in J&K, who have verifiable links to ISI & Pak army. I urge patriotic Bollywoodies to renounce them.