સારા અલી ખાન હાલમાં પોતાની અપકમિંગ ફિલ્મ 'લવ આજ કલ 2'નું શૂટિંગ કરી રહી છે.
ફિલ્મમાં સારા કાર્તિક આર્યનની સાથે જોવા મળશે. હાલમાં સારા અને કાર્તિક ફિલ્મની શૂટિંગ માટે હિમાચલમાં છે. બંનેની એકસાથે એન્જોય કરતી ફોટોઝ સામે આવી છે. ફોટોમાં સારા અને કાર્તિક હાથમાં હાથ નાખીને જોવા મળી રહ્યા છે.ઉલ્લેખનીય છે કે જ્યારેથી સારા અલી ખાને 'કૉફી વિથ કરણ'માં કાર્તિકના ઉલ્લેખ કર્યો હતો ત્યારથી આ બંને ચર્ચામાં હતા.
જોકે આ પહેલી વખત નથી કે બંને સ્ટાર્સના ફોટો વાયરલ થયા હોય, ઘણી વખત સારા અને કાર્તિકને એકસાથે સ્પોર્ટ થયા છે. ગત દિવસોમાં બંને શિમલામાં મોઢું ઢાંકીને ફરી રહ્યા હતા.
કાર્તિક-સારાની આ ફોટોઝ સોશ્યલ મીડિયા પર ખૂબ જ વાયરલ થઇ રહી છે. આ ફોટોમા સારા પીળા કલરના ડ્રેસમાં જોવા મળી હતી અને લાલ કલરના દુપટ્ટાથી મોઢું ઢાંક્યુ હતુ. તો કાર્તિક ટ્રાઉઝર અને ટી-શર્ટમાં જોવા મળ્યો અને સારાની જેમ જ પોતાના ચહેરાને રૂમાલથી કવર કર્યો હતો. બંને શિમલાના મૉલ રોડ પર સ્પોર્ટ કરવામાં આવ્યા હતા.
આ પહેલા પણ કાર્તિક-સારા ઇદના તહેવાર પર મોઢું છુપાવીને મસ્જિદ ગયા હતા, કાર્તિકે સોશ્યલ મીડિયા પર સેલ્ફી શૅર કરી હતી. તમને જણાવી દઇએ કે, કાર્તિક અને સારા પહેલી વખત કોઇ ફિલ્મમાં સાથે જોવા મળશે. 'લવ આજ કલ 2'ને ઇમ્તિયાઝ અલી ડિરેક્ટ કરી રહ્યા છે.