સાઉથના રાજ્યનો સર્વે / કોણ બનશે કર્ણાટકનો 'કિંગ' ! પહેલા ઓપિનિયન પોલમાં લોકોએ કરી નાખ્યો ફેંસલો, ચૂંટણીમાં ચોંકાવનારુ બનશે

• કર્ણાટકમાં 10મે 2023ના દિવસે એક તબક્કાનું મતદાન 
• ચૂંટણી જાહેર થતાં આવ્યો પહેલો ઓપિનિયન પોલ
• પોલમાં કોંગ્રેસને સ્પસ્ટ બહુમતી મળવાનું અનુમાન
• કોંગ્રેસને 115-127, ભાજપને 68-80 અને જેડીએસ 23-35 સીટોનું અનુમાન 

કર્ણાટક વિધાનસભા ચૂંટણીની તારીખોની જાહેરાત બુધવારે કરવામાં આવી હતી. રાજ્યમાં 10 મેના રોજ એક જ તબક્કામાં મતદાન થશે, જ્યારે 13 મેના રોજ પરિણામ જાહેર થશે. મુખ્ય મુકાબલો ભાજપ, કોંગ્રેસ અને જેડી(એસ) વચ્ચે છે. 

કોંગ્રેસ-ભાજપ કે જેડીએસને કેટલી બેઠકો 
ચૂંટણી જાહેર થતાં જ પહેલો ઓપિનિયન પોલ પણ બહાર આવ્યો છે. એબીપી ન્યૂઝ-સીવોટર દ્વારા હાથ ધરવામાં આવેલા કર્ણાટક ઓપિનિયન પોલમાં કોંગ્રેસ ભાજપ પર ભારે પડી રહી હોય તેવું લાગી રહ્યું છે. સર્વેમાં કોંગ્રેસ એકલા હાથે બહુમતી મેળવી રહી છે. કોંગ્રેસને 115-127 સીટો મળવાની આશા છે. સાથે જ ભાજપને માત્ર 68-80 સીટો જ મળી શકે છે. જેડીએસ 23-35 સીટો જીતી શકે છે. રાજ્યમાં કુલ 224 બેઠકો છે અને બહુમતનો આંકડો 113 છે.

મુખ્યમંત્રીની પહેલી પસંદ કોણ?
સર્વેમાં લોકોને પૂછવામાં આવ્યું કે રાજ્યમાં સૌથી વધુ પસંદીદા મુખ્યમંત્રી કોણ છે? પૂર્વ મુખ્યમંત્રી સિદ્ધારમૈયા 39 ટકા વોટ સાથે પહેલા નંબર પર છે, જ્યારે ભાજપના નેતા અને વર્તમાન સીએમ બસવરાજ બોમ્મઈ 31 ટકા વોટ સાથે બીજા નંબર પર છે. જેડી(એસ)ના કુમારસ્વામીને 21 ટકા અને કોંગ્રેસના ડીકે શિવકુમારને 3 ટકા વોટ મળ્યા હતા. આ ઉપરાંત છ ટકા લોકોએ અન્યની પસંદગી કરી છે.

પ્રદેશ પ્રમાણે કેટલી બેઠકો?
ગ્રેટર બેંગલુરુમાં કોંગ્રેસ 32 બેઠકો પર આગળ ચાલી રહી છે. કોંગ્રેસને 15-19 સીટો, જેડીએસને એકથી ત્રણ સીટો, ભાજપને 11-15 સીટો મળવાનુ અનુમાન છે. ઓલ્ડ મૈસૂરની વાત કરીએ તો અહીં પણ જેડીએસને સૌથી વધુ સીટો મળવાની આશા છે. જદ(એસ)ને 26-27, કોંગ્રેસને 24-28, ભાજપને એકથી પાંચ બેઠકો, જ્યારે અન્યોને શૂન્યથી એક બેઠક મળવાની સંભાવના છે. મધ્ય કર્ણાટકમાં 25 બેઠકોમાંથી કોંગ્રેસને 18-22, ભાજપને 12-16, જેડીએસને એકથી બે બેઠકો મળી શકે છે. અન્યને 00-01 બેઠકોથી સંતોષ માનવો પડી શકે છે. કર્ણાટકમાં ભાજપને 21-25, કોંગ્રેસને 25-29, જેડીએસને 00-01 સીટો મળવાની સંભાવના છે. હૈદરાબાદ-કર્ણાટક વિસ્તારમાં ભાજપને 8-12, કોંગ્રેસને 19-23, જેડી(એસ)ને 00-01 બેઠકો મળવાની શક્યતા છે.

મુખ્યમંત્રીની પહેલી પસંદ કોણ?
સર્વેમાં લોકોને પૂછવામાં આવ્યું કે રાજ્યમાં સૌથી વધુ પસંદીદા મુખ્યમંત્રી કોણ છે? પૂર્વ મુખ્યમંત્રી સિદ્ધારમૈયા 39 ટકા વોટ સાથે પહેલા નંબર પર છે, જ્યારે ભાજપના નેતા અને વર્તમાન સીએમ બસવરાજ બોમ્મઈ 31 ટકા વોટ સાથે બીજા નંબર પર છે. જેડી(એસ)ના કુમારસ્વામીને 21 ટકા અને કોંગ્રેસના ડીકે શિવકુમારને 3 ટકા વોટ મળ્યા હતા. આ ઉપરાંત છ ટકા લોકોએ અન્યની પસંદગી કરી છે.

સૌથી મોટા મુદ્દા કયા
સર્વેમાં સૌથી મોટા મુદ્દા પર લોકોને પણ સવાલ કરવામાં આવ્યા હતા, જેના પર 29 ટકા લોકોએ બેરોજગારી, 22 ટકા પાયાની સુવિધાઓ, 19 ટકા શિક્ષણ, 13 ટકા ભ્રષ્ટાચાર, 3 ટકા કાયદો અને વ્યવસ્થા, 14 ટકા અન્ય લોકો પર સવાલ ઉઠાવ્યા હતા. લોકોને પૂછવામાં આવ્યું કે રાજ્યના મુખ્યમંત્રીથી કેટલા ટકા લોકો ખુશ છે અને તેમનું પ્રદર્શન કેવું છે, 27 ટકા લોકોએ સારું કહ્યું, 26 ટકાએ સરેરાશ અને 47 ટકા લોકોએ ખરાબ કહ્યું. આમ, મુખ્યમંત્રી બોમ્મઈને સર્વેમાં મોટો ઝટકો લાગ્યો છે.