પ્લેબેક સિંગર કનિકા કપૂરને કોરોના પોઝિટિવ આવવા છતાં બેદરકારી દેખાડવાને કારણે સોશિયલ મીડિયા પર તેને ખૂબ જ ટ્રોલ કરવામાં આવી રહી છે. ઉત્તરપ્રદેશની સરકારે તો તેની પર એક્શન પણ લઈ લીધું. પોતાની બેદરકારીને કારણે લોકોનો જીવ જોખમમાં મૂકવા બદલ તેની નિંદા કરવામાં આવી રહી છે. હવે બોલિવૂડના દિગ્ગજ અભિનેતા ઋષિ કપૂરે પણ કનિકા કપૂર મામલે પોતાના અંદાજમાં પ્રતિક્રિયા આપી છે.
ઋષિ કપૂરે ટ્વિટર પર સિંગર કનિકા કપૂર અને યસ બેંકના સ્થાપક રાણા કપૂરની તસવીર શેર કરી છે. કેપ્શનમાં ઋષિ કપૂરે લખ્યું છે- આજકાલ કેટલાક 'કપૂર' લોકો પર સમય ભારે છે. મને ડર છે હે માલિક અન્ય Kapoor-onની રક્ષા કરો. ક્યારેય કોઈ ખોટું કામ ન થાય. જય માતા દી. ઋષિ કપૂરનું આ ટ્વિટ ખૂબ વાયરલ થઈ રહ્યું છે. લોકો તેને ઘણું પસંદ કરી રહ્યાં છે અને શેર કરી રહ્યાં છે અને પોતાની પ્રતિક્રિયા પણ આપી રહ્યાં છે.
Aaj kal kuch “Kapoor”logon pe time bhaari hai. Darta hoon. Hey Malik raksha karna doosre “Kapoor-on”ki! Koi galat kaam na ho kabhi. Jai Mata Di! pic.twitter.com/gPyHJvGGaY
કેટલાક યુઝર્સ ઋષિ કપૂરના આ ટ્વિટ પર ગુસ્સે પણ થઈ રહ્યાં છે. એક યુઝરે લખ્યું- સાંભળ સો કોલ્ડ કપૂર, તસવીરોમાં એક કપૂર એ છે જેણે ભારતીયોના પૈસા લૂંટી લીધા છે. આરબીઆઈનો આભાર, કે એ અમને બચાવવા આવી ગઈ. બીજી કપૂર જિદ્દી સિંગર છે. જેનો કોઈ આઈક્યૂ નથી. ડબલ્યૂએચઓએ કોરોનાના વૈશ્વિક મહામારી જાહેર કરવા છતાં તે એરપોર્ટ પર સ્ક્રીનિંગ પ્રોસિઝર કરાવ્યા વિના ત્યાંથી ભાગી ગઈ.
એક યુઝરે કહ્યું, ખબર નહીં કનિકા કેટલા લોકોને મળી હતી અને કેટલા લોકોમાં હવે કોરોના ફેલાશે. વિચારો કપૂરજી, આવી પાર્ટીમાં મોટા લોકો હોય છે, હેલ્પર હોય છે, બીજો સ્ટાફ હોય છે. આ ખતરો લઈને લોકો ઘરે જશે તો અન્યોમાં પણ આ ચેપ ફેલાવાનો ભય છે.