બોલિવૂડ / જૂહી ચાવલાની આ ખાસ વસ્તુ મુંબઈ એરપોર્ટ પર થઈ ગુમ, તો એક્ટ્રેસે કહી એવી વાત કે આગની જેમ થઈ રહી છે વાયરલ

• જૂહી ચાવલાની એક ટ્વિટ થઈ રહી છે વાયરલ
• જૂહી ચાવલાની ડાયમંડની ઈયરરિંગ્સ મુંબઈ એરપોર્ટ પર ક્યાંક પડી ગઈ
• સોશિયલ મીડિયામાં ઈયરરિંગ્સ શોધી આપનારને ઈનામ આપવાની વાત કહી 

જૂહી ચાવલાએ સોશિયલ મીડિયામાં પોસ્ટ શેર કરીને કહ્યું, રવિવારે સવારે હું મુંબઈ એરપોર્ટના ગેટ નંબર 8 પરથી જઈ રહી હતી. એમીરેટ્સ કાઉન્ટર પર મેં ચેક-ઈન કર્યું, સિક્યોરિટી ચેક થઈ, પરંતુ આ દરમિયાન મારી ડાયમંડની એક ઈયરિંગ ક્યાંક પડી ગઈ. જો કોઈ મારી મદદ કરે તો હું ઘણી જ ખુશ થઈશ. તમે પોલીસને માહિતી આપો, હું તમને ઈનામ આપીશ. આ મેચિંગ પીસ છે. હું છેલ્લાં 15 વર્ષથી આ પહેરું છું. પ્લીઝ, શોધવામાં મારી મદદ કરો. આ પોસ્ટની સાથે જૂહીએ ઈયરરિંગની તસવીર પણ શેર કરી છે. આ સાથે જ જૂહીની આ પોસ્ટ સોશિયલ મીડિયા પર ખૂબ જ વાયરલ થઈ રહી છે. 

Kindly help 🙏 pic.twitter.com/bNTNYIBaZ2

— Juhi Chawla (@iam_juhi) December 13, 2020

ઉલ્લેખનીય છે કે હાલમાં જ જૂહી ચાવલાએ એક વીડિયો શેર કર્યો હતો, જેમાં એક્ટ્રેસે એરપોર્ટ ઓથોરિટી ઓફ ઈન્ડિયા પર નારાજગી વ્યક્ત કરી હતી. જૂહી ચાવલાએ સોશિયલ મીડિયા પર ગુસ્સો વ્યક્ત કરતાં કહ્યું હતું કે ખરાબ વ્યવસ્થાને કારણે પેસેન્જર્સને લાંબો સમય રાહ જોવી પડે છે અને AAIની ક્લાસ લગાવી હતી.