રિલાયન્સ જિયો ઓછાં ટેરિફ સાથે ગ્રાહકોને વધુ ડેટા આપવા માટે જાણીતું છે. ઘણીવાર જિયો તેના યુઝર્સને કેટલીક ઓફર્સમાં ફ્રી ડેટા પણ આપે છે. ગયા વર્ષે ડિસેમ્બરમાં જિયોએ અન્ય નેટવર્ક પર કોલ કરવા માટે 6 પૈસા પ્રતિ મિનિટ ચાર્જ લગાવ્યો હતો. જે બાદ હવે અન્ય નેટવર્ક પર કોલ કરવા માટે ગ્રાહકોને ટોપ-અપ રિચાર્જ કરાવવાની જરૂર પડે છે. આવા ગ્રાહકોને જિયો 10 રૂપિયાનું ટોપ-અપ લેવા પર 1 જીબી ફ્રી ડેટા આપી રહ્યું છે.
ગ્રાહકો થઈ જાઓ ખુશ
જિયોમાં મળશે આ ખાસ ઓફર
10 રૂપિયા ખર્ચો અને મેળવો 1 જીબી ડેટા
રિલાયન્સ જિયોના અનલિમિટેડ પ્લાન્સમાં ગ્રાહકોને અન્ય નેટવર્ક પર કોલ કરવા માટે સીમિત આઈયૂસી મિનિટ મળે છે. આ આઈસીયૂ મિનિટ પ્રીપેડ પેકની કિંમતના આધારે અલગ-અલગ હોય છે. આઈયૂસી મિનિટ ખતમ થયા બાદ ટોપ-અપ રિચાર્જ કરાવવું પડે છે. જેમાં મળતા બેલેન્સથી તમે અન્ય નેટવર્ક પર કોલ કરી શકો છો.
જિયોનો સૌથી સસ્તો ટોપ-અપ પેક 10 રૂપિયાનો છે. 10 રૂપિયાના રિચાર્જથી તમે અન્ય નેટવર્ક પર 124 મિનિટ સુધી કોલ પર વાત કરી શકો છો. જિયો આ ગ્રાહકોને દર 10 રૂપિયાના ટોપ-અપ રિચાર્જ પર 1 જીબી કોમ્પલિમેન્ટ્રી ડેટા આપી રહ્યું છે. એટલે કે, અન્ય નેટવર્ક પર કોલ કરવા માટે જેટલીવાર તમે 10 રૂપિયાનું ટોપ-અપ કરાવશો, એટલીવાર તમને 1 જીબી ડેટા ફ્રી મળશે.
જિયો પાસે 6 ટોપ-અપ વાઉચર
રિલાયન્સ જિયો પાસે કુલ 6 ટોપ-અપ છે. તેમાંથી સૌથી ઓછી કિંમતનો વાઉચર 10 રૂપિયાનો છે. આ સિવાય 20, 50, 100, 500 અને 1000 રૂપિયાના ટોપ-અપ વાઉચર જિયો ઓફર કરે છે. જેમાં 124, 249, 656, 1,362, 7,012 અને 14,074 મિનિટ અન્ય નેટવર્ક પર કોલ કરવાની સુવિધા મળે છે.