મેઘાલયના એક વ્યક્તિએ પોતાના ટ્રેક્ટરને મહિન્દ્રા જીપ જેવી બનાવી દીધી છે.
મેઘાલયના શખ્સનો જબરો જુગાડ
ટ્રેક્ટરની જીપ બનાવી દીધી
આનંદ મહિન્દ્રા સહિત લોકો થયા જબરા ફેન
એક 'મહિન્દ્રા ટ્રેક્ટર' સોશિયલ મીડિયા પર ચર્ચાનો વિષય બન્યું છે. મેઘાલયના એક વ્યક્તિએ આ ટ્રેક્ટરને 'દેશી જુગાડ'ની જીપ જેવો લુક આપ્યો છે. ઘણા લોકો આ ટ્રેક્ટરનું 'કૂલ વર્ઝન' પસંદ કરી રહ્યા છે, ત્યારે 'મહિન્દ્રા એન્ડ મહિન્દ્રા'ના ચેરમેન આનંદ મહિન્દ્રાએ તેની તસવીર શેર કરતા કહ્યું - આ ટ્રેક્ટર તેમને ડિઝનીની એનિમેટેડ ફિલ્મના એક સુંદર પાત્રની યાદ અપાવે છે. તમને એ પાત્ર યાદ છે?
Maia Rymbai from Jowai, Meghalaya just proved that tough is cool, too! We love this modified personality of the 275 NBP! pic.twitter.com/nP6T6b77hr
આનંદ મહિન્દ્રાને ખૂબ ગમ્યું
હકીકતમાં, આ તસવીર મહિન્દ્રા ટ્રેક્ટરના ટ્વિટર હેન્ડલ દ્વારા શેર કરવામાં આવી હતી. તેણે કેપ્શનમાં કહ્યું કે મેઘાલયના જોવાઈમાં રહેતી માયા રાયમ્બાઈએ સાબિત કર્યું કે આ મજબૂત વાહન પણ 'કૂલ' છે. અમને 275 NBP નું આ સંશોધિત સંસ્કરણ ગમે છે! તે જ સમયે, મંગળવારે આનંદ મહિન્દ્રાએ આ ટ્રેક્ટરની તસવીરને રીટ્વીટ કરી, અને લખ્યું - હવે તે એક વિચિત્ર દેખાતું પ્રાણી છે... પરંતુ તે ડિઝનીની એનિમેટેડ ફિલ્મના સુંદર પાત્ર જેવું લાગે છે.
Now that’s a strange looking beast…But it looks like a loveable character from a Disney animated film! https://t.co/JBR25yeXKD
જીપ ટ્રેક્ટર, લોકોએ મન મૂકીને કર્યાં વખાણ
મહિન્દ્રાના ટ્વીટને સમાચાર લખ્યા ત્યાં સુધી 1.4 હજારથી વધુ લાઈક્સ મળી ચૂક્યા છે. જ્યારે ઘણા યુઝર્સે આ અંગે કમેન્ટ પણ કરી હતી. ઉદાહરણ તરીકે, એક વપરાશકર્તાએ તેને 'જીપ ટ્રેક્ટર' નામ આપ્યું. જ્યારે કેટલાકે લખ્યું કે તે અદ્ભુત લાગે છે, ઘણાએ આ ટ્રેક્ટરની શક્તિની પ્રશંસા કરી. તમારે બીજું શું કહેવું છે?