મગફળીના પૈસા ન ચૂકવાતા ખેડૂતોએ કલેક્ટર કચેરી ખાતે કર્યું હલ્લાબોલ

જામનગરમાં મગફળી ખરીદીના પૈસા ન ચૂકવાતા ખેડૂતોએ ઉગ્ર વિરોધ કર્યો છે. કલેકટર કચેરીએ ખેડૂતો દ્વારા આશ્વર્યજનક કાર્યક્રમો યોજાયા હતા. ખેડૂતોએ ફાંસી ખાવા સહિતના કાર્યક્રમો કરી વિરોધ કર્યો હતો.

આ સાથે સરકારની ખેડૂત વિરોધી નીતિ સામે ખેડૂતોએ સૂત્રોચ્ચાર કર્યા હતા. અને લોકસભામાં મતદાન બહિષ્કારની ચીમકી ઉચ્ચારી છે. કલેક્ટરને રજૂઆત કરી મગફળીના રૂપિયા ચૂકવવા માગ કરી છે.  

ઉલ્લેખનીય છે કે સરકાર દ્વારા મગફળીની ખરીદી કરવામાં આવી હતી જો કે ઘણો સમયગાળો પસાર થઇ ગયા છતા ખેડૂતોને તેમના હકની રકમ નહીં મળતા રોષ ફેલાયો હતો અને આજરોજ જામનગરના ખેડૂતોએ એકસાથે મળીને શહેરની કલેક્ટર કચેરી ખાતે વિરોધ નોંધાવ્યો હતો. આ સાથે નજીકના ભવિષ્યમાં જો તેમને નાણાંની ચૂકવણી કરવામાં નહીં આવે તો ઉગ્ર આંદોલન પણ કરવાની ચિમકી પણ ઉચ્ચારી હતી.