વિસ્ફોટ / જમ્મુ એરપોર્ટ પર બ્લાસ્ટ, પોલીસ અને ફોરેન્સિકની ટીમ સ્થળ પર પહોંચી

• એરફોર્સ સ્ટેશનમાં બ્લાસ્ટ થયો હતો
• બ્લાસ્ટ બાદ એન્ટી બોમ્બ સ્ક્વોર્ડની ટીમ સ્થળ પર પહોંચી
•  2 લોકોના ઘાયલ થયાના સમાચાર મળ્યા

#WATCH | Bomb Disposal Squad rushed to the explosion site in Jammu airport's technical area pic.twitter.com/K5XOy7hnDC

— ANI (@ANI) June 27, 2021

જમ્મુ-કાશ્મીર એરપોર્ટમાં એરફોર્સ સ્ટેશનમાં બ્લાસ્ટ થયો હતો. શનિવારે મોડી રાતે 5 મિનિટના અંતર પર 2 વિસ્ફોટ થયા હતા. શંકાસ્પદ રીતે થયેલા આ બ્લાસ્ટ બાદ એન્ટી બોમ્બ સ્ક્વોર્ડની ટીમ તથા ફોરેન્સિકની ટીમ ઘટના સ્થળે દોડી ગઈ હતી. પોલીસની ટીમ પણ એર પોર્ટ પર પહોંચી ગઈ હતી. મોડી રાત્રે લગભગ 2 વાગ્યાની આસપાસ બ્લાસ્ટ થયો હતો. જેનો અવાજ સાંભળનારાઓમાં ભય વ્યાપી ગયો હતો. 

જમ્મૂ એરપોર્ટ પર જોરદાર ધમાકાથી હડકંપ, પોલીસ સહિત ફોરેન્સિક ટીમ ઘટનાસ્થળે#JammuAndKashmir pic.twitter.com/MnU5M6MxZi

— VTV Gujarati News and Beyond (@VtvGujarati) June 27, 2021

જમ્મુમાં એક આતંકવાદીની પણ ધરપકડ

એરફોર્સ અને આર્મીના અધિકારીઓ પણ સ્થળ પર પહોંચ્યા હતા. આ દરમિયાન જમ્મુના ત્રિપુટા નગર પોલીસ સ્ટેશનમાં વેવ મોલ પાસેથી એક આતંકવાદીની ધરપકડ કરવામાં આવી હતી. પોલીસના જણાવ્યાનુંસાર આતંકવાદી પાસેથી 5 કિલો આઈઈડી મળ્યો હતો. જો કે એ સ્પષ્ટ નથી કે આ આતંકવાદીને જમ્મુ એરપોર્ટવાળા ઘટના સ્થળ સાથે કોઈ સંબંધ છે કે નહીં.

ડ્રોનથી કરાયો વિસ્ફોટ

આ વિસ્ફોટ બાદ વિસ્તારમાં સુરક્ષાકર્મીઓને હાઈ એલર્ટ પર રખાયા હતા. આ વિસ્તારમાં 2 લોકોના ઘાયલ થયાના સમાચાર મળ્યા છે. સૂત્રોના જણાવ્યાનુંસાર જમ્મુ ટેક્નિકલ એરપોર્ટ્સની પાસે આ વિસ્ફોટો ડ્રોનના માધ્યમથી કરવામાં આવ્યા છે.  આ બન્ને બ્લાસ્ટ એરપોર્ટની અંદર કરવામાં આવ્યા છે. મનાઈ રહ્યું છે કે અહીં ડ્રોનના માધ્યમથી આઈઈડી પાડવામાં આવ્યા હતા. ડ્રોનના ઉપયોગના સમાચારથી પાકિસ્તાન પર ઉંડી શંકા વ્યક્ત કરવામાં આવી રહી છે.  સૂત્રોનું કહેવું છે કે એક વિસ્ફોટક સામગ્રી ઈમારતની છત ઉપરથી પાડવામાં આવી હતી. જેનાથી પુરી બેરેક ડિસ્ટ્રોય થઈ હતી. બીજો વિસ્ફોટ ઓપન એરિયામાં કરવામાં આવ્યો હતો.