નયનરમ્ય / એ નજારા દેખને લોગ મિલો દૂરસે આતે હે! જમજીર ધોધના આહ્લાદક દ્રશ્યો, ગુજરાતના આ 3 ધોધ જોઈને થઇ જશો ગદગદીત

• જમજીર ધોધના આહ્લાદક દ્રશ્યો
• ધોધ નિહાળવા દેશ-વિદેશથી આવ્યા પ્રવાસીઓ
• ધોધ સોળે કળાએ ખીલી ઉઠ્યો

જમજીરનો ધોધ... મધ્યગીરમાંથી નીકળતી શીંગવડો નદી અહીં ધોધ સ્વરૂપે વહે છે. ચોમાસા દરમિયાન આ ધોધ વિશાળ રૂપ ધારણ કરે છે. આ ધોધનું દ્રસ્ય જેટલું મનોરમ્ય છે એટલું જ ભયાવહ પણ છે. કોડીનાર નજીક જામવાળા પાસે આવેલા પ્રખ્યાત જમજીરનાં ધોધમાં નવું પાણી આવતા દ્રશ્યોમાં આપ જોઈ શકો છો. ટુરિસ્ટ ધોધનો આનંદ લઈ રહ્યા છે પરંતુ પર્યટકોને આ ધોધની ભયાનકતાનો ખ્યાલ હોતો નથી. આથી કેટલાક લોકો સેલ્ફીના ચક્કરમાં પોતાનો જીવ જોખમમાં મૂકી દે છે.

પ્રસિદ્ધ જમજીરના ધોધના આસમાની દર્શ્યો સામે આવ્યા છે, જુઓ જમજીરના ધોધનો નજારો પ્રવાસીઓના આકર્ષણનું કેન્દ્ર ગણાતો આ ધોધ વરસાદ પડતા ફરી વહેતો થયો છે. આ નજારો જોવા દૂર દૂરથી પ્રવાસીઓ ગીર આવે છે. જમજીરનાં ધોધમાં વર્તમાન ચોમાસાની સિઝન દરમિયાન નવા નીર આવતા ધોધનું સૌંદર્ય સોળે કળાએ ખીલી ઉઠ્યું છે.

જમજીરનો આ ધોધ સમગ્ર ગુજરાતમાં ખ્યાતિ પ્રાપ્ત છે. અહીં ઠેકઠેકાણેથી પર્યટકો કુદરતનો આ નજારો નિહાળવા આવે છે. 30 ફૂટ ઉપરથી પડતી જલરાશીને નિહાળીને લોકો દંગ બની જાય છે. આજના મોબાઈલ યુગમાં સેલ્ફીનાં ચક્કરમાં અનેક લોકો પોતાનો જીવ ખોઈ બેઠા છે. ચોમાસા દરમિયાન ધોધ સુધી પહોંચવું અતિ દુર્ગમ બની જાય છે. આ ધોધનાં સૌંદર્યનું જેટલું આકર્ષણ છે તેટલી જ તેની વિકરાળતા પણ છે.

મનમોહક ગીરાધોધનું સૌદર્ય

ગીરા ધોધ ડાંગ જિલ્લાની ઓળખ છે. ડાંગમાં વરસાદી મોસમ શરૂ થતા જ કુદરતી સૌદર્ય ખીલી ઉઠ્યું છે. વઘઇના આંબાપાડા ખાતે આવેલો ગીરા ધોધ જીવંત થતા નયનરમ્ય નજારો જોવા મળી રહ્યો છે. દક્ષિણ ગુજરાતમાં ડાંગ, નર્મદા અને વલસાડ જિલ્લામાં ઘણા નાનાં-મોટાં ધોધ પરંતુ ગુજરાતના સૌથી સુંદર ધોધમાં જો કોઇ નામ મોખરે હોય તો તે ગીરા ધોધ છે. વઘઇમાં આવેલો ગીરા ધોધ સૌંદર્યની શોભા બન્યો છે. જંગલની વચ્ચે ગીરા ધોધ શરૂ થતાં આહ્લાદક દ્રશ્યો જોવા મળી રહ્યા છે.

પાલર ધુના ધોધના નયનરમ્ય દ્રશ્યો

આ વીડિયો જે જોઇ રહ્યા છો તે ધોધ છે નખત્રાણાના પાલર ધૂના ધોધ. છેલ્લા ઘણા દિવસોથી કચ્છ પર મેઘરાજાએ હેત વરસાવતા નખત્રાણોન પાલરધૂના ધોધમાં પાણીની આવક થતા મનોહર દ્રશ્યો સર્જાયા હતા. જેમ  કોઇ ચિત્રકાર કુદરતી દ્રશ્યોનું પેઇન્ટિંગ કેવુ બનાવે તેવા દ્રશ્યો નખત્રાણામાં જોવા મળ્યા. કુદરતના આવા મનોહર રૂપનેજોઇને પર્યાવરણ પ્રેમીઓમાં આનંદની લાગણી ફરી વળી.