શું થઈ રહ્યું છે! / ઈન્સ્ટાગ્રામના લવર માટે લાહોર જવા નીકળી 17 વર્ષની આર્મીમેનની દીકરી, એરપોર્ટ પર ટિકિટ માંગી અને પછી આ રીતે ઝડપાઇ...

• જયપુર એરપોર્ટ પર સગીરાને કસ્ટડીમાં લીધી 
• ઈન્સ્ટાગ્રામ લવરને મળવા જતી હતી પાકિસ્તાન 
• યુવકે બ્રેઈનવોશ કરી બોલાવી હતી પાકિસ્તાન 

સીમા હૈદર જ્યારથી પોકિસ્તાનથી ભારત આવી છે બોર્ડર પારની ઘણી લવ સ્ટોરી સામે આવી છે. હવે ખબર મળી રહી છે કે એક સગીરા પોતાના ઈન્સ્ટાગ્રામ લવરને મળવા પાકિસ્તાન જવા માંગતી હતી. 

જયપુર એરપોર્ટથી સગીરાની ધરપકડ કરવામાં આવી છે. જાણકારી અનુસાર તે લાહોર પોતાના લવરને મળવા જવા માંગતી હતી. એરપોર્ટ પર ટિકિટ કાઉન્ટર પહોંચેલી સગીરાએ જ્યારે પાકિસ્તાનની ટિકિટ માંગી તો બધા ચોંકી ગયા હતા. સગીરાની ઉંમર જોઈને ટિકિટ માસ્ટર અને સિક્યોરિટી ગાર્ડને મજાક લાગ્યો. પરંતુ પુછપરછમાં જે વાત સામે આવી તેણે પાકિસ્તાનના બ્રેઈન વોશ અભિયાનનો પડદાફાશ કર્યો. 

પાકિસ્તાન જવા માંગે છે આર્મી ઓફિસરની દિકરી 
17 વર્ષની સગીરાને પાકિસ્તાની યુવકે જણાવ્યું કે એરપોર્ટ પર કઈ રીતે વાત કરવાની છે. પુછપરછમાં શું અને કઈ વાતોનું ધ્યાન રાખવાનું છે. તેની ટ્રેનિંગ પાકિસ્તાની યુવકે તેને આપી હતી. તેણે સિક્યોરિટી એજન્ટને જણાવ્યું કે તે પાકિસ્તાની છે. સગીરાએ જણાવ્યું કે તે ઈસ્લામાબાદથી ત્રણ વર્ષ પહેલા ભારત આવી હતી. પોતાની ફોઈની સાથે આવી અને તેમના જ ઘરમાં રહેતી હતી. 

હવે ફોઈ સાથે તેનો ઝગડો થઈ ગયો છે એવામાં તે પાકિસ્તાન પરત જવા માંગે છે. સિક્યોરિટી ગાર્ડ સગીરાની વાત સાંભળીને ચોંકી ઉઠ્યો. તપાસમાં જાણવા મળ્યું કે તે રાજસ્થાનના સીકર જિલ્લાના શ્રીમાધોપુરની રહેવાસી છે. તે એક આર્મી ઓફિસરની દિકરી હોવાનો દાવો કરવામાં આવી રહ્યો છે. 

બીજી પણ યુવતીઓ સાથે પાકિસ્તાની યુવકની મિત્રતા 
સગીરાનો મોબાઈલ ફોન જોવા પર ખબર પડી કે તે લાહોરના એક યુવકના કોન્ટેક્ટમાં હતી. તેણે જણાવ્યું કે તે એક વર્ષથી ત્યાં પાકિસ્તાની યુવકની સાથે વાત કરી રહી છે. સગીરાની બીજી પણ ફ્રેન્ડ્સ આજ યુવકના કોન્ટેક્ટમાં છે. અસલમ લાહોરી નામના યુવકે જ તેનું બ્રેઈનવોશ કર્યું. 

એરપોર્ટ પર કઈ રીતે વાત કરવાની છે. તેની ટ્રેનિંગ આપી. હવે સગીરાનો મોબાઈલ જપ્ત કરી દેવામાં આવ્યો છે અને મામલાની આગળ તપાસ કરવામાં આવી રહી છે.