- 176 બેગમાંથી હજુ સુધી લગભગ 136 બેગની ગણતરી કરવામાં આવી
- અત્યાર સુધીમાં લગભગ 300 કરોડ રૂપિયાની ગણતરી થઈ ચૂકી
- 25 નોટ ગણવાના મશીનો અને 50 લોકો કરી રહ્યા છે નોટોની ગણતરી
આયકર વિભાગ એટલે કે ઇન્કમ ટેક્સ ડિપાર્ટમેન્ટ દ્વારા ઓડિશા અને ઝારખંડમાં કોંગ્રેસના રાજ્યસભા સાંસદ ધીરજ સાહૂના નિવાસસ્થાને રેડ પાડીને જપ્ત કરાયેલ સંપતિમાંથી હજુ સુધી 300 કરોડની ગણતરી થઈ છે. અધિકારીઓનું કહેવું છે કે કુલમ રકમ 400 કરોડ કરતાં વધુ હોય શકે છે. જપ્ત કરાયેલ સંપતિમાંથી વધુ પડતી નોટો 500 રૂપિયાની છે અને સતત આ નોટો ઓડિશાની સરકારી બેંક શાખાઓમાં જમા કરાવવામાં આવી રહી છે.
176 બેગમાંથી હજુ સુધી લગભગ 136 બેગની ગણતરી કરવામાં આવી
ઓડિશા અને ઝારખંડમાં ધીરજ સાહુના ઠેકાણાઓ પર પાડવામાં આવેલા દરોડામાં નોટોની ગણતરી આજે પૂરી થવાની ધારણા છે. આ માટે વધુ નોટ કાઉન્ટીંગ મશીન અને કર્મચારીઓને બોલાવવામાં આવ્યા છે. સાથે જ એવું પણ કહેવામાં આવી રહ્યું છે કે 176 બેગમાંથી હજુ સુધી લગભગ 136 બેગની ગણતરી કરવામાં આવી છે અને આજે અથવા આવતીકાલ સુધીમાં નોટોની ગણતરી પૂર્ણ થઈ શકે છે.
અત્યાર સુધીમાં લગભગ 300 કરોડ રૂપિયાની ગણતરી થઈ ચૂકી
એક-બે નહીં, કુલ 25 નોટ ગણવાના મશીનો અને 50 લોકો મળી આ કાળા નાણાંની સતત ગણતરી કરી રહ્યા છે. અત્યાર સુધીમાં લગભગ 300 કરોડ રૂપિયાની ગણતરી થઈ ચૂકી છે. પરંતુ આ અંતિમ આંકડો નથી... ઘણા ઓરડાઓ અને લોકર હજી સુધી ખુલ્લા પણ નથી. આવી સ્થિતિમાં, આ દરોડાએ એક ઈતિહાસ રચ્યો છે. આવકવેરા વિભાગે ધીરજ સાહુના પરિસર અને તેની સાથે જોડાયેલી પેઢીઓ પર દરોડા પાડ્યા છે. સત્તાવાર સૂત્રોએ શનિવારે જણાવ્યું હતું કે, કોઈ પણ એજન્સી દ્વારા એક જ ઓપરેશનમાં કાળા નાણાંની આ "અત્યાર સુધીની સૌથી મોટી" પ્રાપ્તિ છે. આવકવેરા વિભાગની આ રેડ એક સાથે ઘણી જગ્યાએ ચાલી રહી છે.
દારૂની કંપનીનો છેલ્લા 40 વર્ષથી કારોબાર
નોંધનીય છે કે ધીરજ સાહુ અને તેમના પરિજનો દારૂની કંપની ચલાવે છે. બળદેવ સાહૂ એન્ડ ગ્રુપ ઑફ કંપનીઝ આ જ સાહૂ પરિવારની છે. છેલ્લા 40 વર્ષથી આ પરિવાર દારૂ બનાવે છે. ધીરજ સાહુના પિતાના નામથી કંપનીનું નામ રાખવામાં આવ્યું છે. ચૂંટણીમાં ભરવામાં આવતા ફોર્મમાં ધીરજ સાહુએ પોતાની સંપત્તિ માત્ર 34 કરોડ રૂપિયા દર્શાવી હતી. તો સવાલ એ થાય છે કે અબજો રૂપિયાની રોકડ રકમ કોની છે?
કોંગ્રેસ પાર્ટીમાં છે મોટું પદ
સાંસદ ધીરજ સાહુ હાલ રાજ્યસભાના સાંસદ છે, આ પહેલા તેઓ ચતરા લોકસભા સીટ પરથી બે વખત કોંગ્રેસની ટિકિટ પર ચૂંટણી લડી ચૂક્યા છે, જોકે બંને ચૂંટણીમાં હારનો સામનો કરવો પડ્યો ધીરજ સાહુ ત્રણ વખતથી સતત રાજ્યસભાના સાંસદ છે, તેમના ભાઈ શિવપ્રસાદ સાહુ લોકસભાના સાંસદ રહી ચૂક્યા છે. ધીરજ પ્રસાદ સાહુ વર્ષ 2009માં પહેલીવાર રાજ્યસભાના સાંસદ બન્યા હતા, જે બાદ 2010માં બીજી વાર અને 2018માં ત્રીજી વાર તેઓ સાંસદ બન્યા.
