હેલિકોપ્ટર કૌભાંડ / CM કમલનાથના ભાણા પર IT વિભાગનો સપાટો, 254 કરોડના બેનામી શેર જપ્ત

ન્યૂ દિલ્હીઃ આયકર વિભાગે (Income Tax Department) મંગળવારનાં રોજ મધ્યપ્રદેશનાં મુખ્યમંત્રી કમલનાથ (Kamal Nath) ના ભાણા રતુલ પુરીના 254 કરોડ રૂપિયાના બેનામી શેરને જપ્ત કર્યા છે. આયકર અધિકારીએ જણાવ્યું કે, બેનામી પ્રોપર્ટી ટ્રાન્ઝેક્શન એક્ટ અંતર્ગત રતુલના નામ પર બેનામી શેરને જપ્ત કરવાનો પ્રોવિઝનલ ઓર્ડર રજૂ કર્યો હતો.

તેઓએ જણાવ્યું કે, આ રકમ ઓપ્ટિમા ઇન્ફ્રાસ્ટ્રક્ચર પ્રા. લિ.માં એફડીઆઇ રોકાણને આધારે હાંસલ થઇ. એક અન્ય કંપની એચઇપીસીએલના નામ પર તેઓએ સૌર પેનલ આયાત કરવા માટે વધારે ચલણ બનાવ્યા અને તેના આધારે 254 કરોડ કમાવ્યા. આ રતુલની એક શેલ કંપની છે. જેનું સંચાલન દુબઇમાં રાજીવ સક્સેના કરતા હતા. તે પણ આ અગસ્તા વેસ્ટલેન્ડ (હેલિકોપ્ટર) ગોટાળાના આરોપી છે અને ઇડીની ધરપકડમાં છે.

આ પહેલાં પ્રવર્તન નિર્દેશાલય (ઇડી)એ સોમવારના દિલ્હીની કોર્ટમાં કહ્યું હતું કે, રતુલે અગસ્તા વેસ્ટલેન્ડ વીવીઆઇપી હેલિકોપ્ટર ગોટાળામાં રકમ હાંસલ કરી હતી. ઇડીએ વિશેષ જજ અરવિંદ કુમારના સમક્ષ દાખલ કરેલ અંતરિમ જામીન અરજીની સુનાવણી દરમ્યાન આ આરોપ લગાવ્યો. કોર્ટે ગઇ કાલના રતુલની ધરપકડ પર એક દિવસ માટે પ્રતિબંધ લગાવી દીધો હતો.

કમલનાથની બહેનના દીકરા છે રતલ પુરીઃ
રતુલ હિંદુસ્તાન પાવર પ્રોજેક્ટ્સ પ્રાઇવેટ લિમિટેડના અધ્યક્ષ છે. તેમના મની લોન્ડિંગ મામલામાં પહેલા પણ પૂછપરછ કરી દેવામાં આવી છે. તેઓ નીતા અને દીપક પુરીના પુત્ર છે. દીપક ઓપ્ટિકલ સ્ટોરેજ મોજરવેયરના સીએમડી છે. નીતા પુરી કમલનાથની બહેન છે.