મોટા સમાચાર / ઈસરો - નાસાનો ઉપગ્રહ નિસાર 2022 સુધીમાં થશે લોન્ચ

• બન્ને પક્ષોએ  અંતરિક્ષ રક્ષા સહયોગના સેક્ટર પર ચર્ચા કરી 
• પોમ્પિયો અને એસ્પરે ઈસરો અને નાસાની વચ્ચે ચાલી રહેલા સહયોગને બિરદાવ્યો હતો
• સંયુક્ત નિસાર મિશનનું સંચાલન કરવા માટે એક સમજૂતિ પર હસ્તાક્ષર કર્યા 

બન્ને પક્ષોએ ભારત - અમેરિકા અંતરિક્ષ વાર્તા જારી રાખવાના ઈરાદાની સાથે સાથે સંભવિત અંતરિક્ષ રક્ષા સહયોગના સેક્ટર પર ચર્ચા કરી છે

ટૂ પ્લસ ટૂ વાર્તા બાદ ભારતીય રક્ષામંત્રી રાજનાથ સિંહ તથા વિદેશ મંત્રી એસ જયશંકર અને અમેરિકન રક્ષા મંત્રી માર્ક ટી એસ્પર, વિદેશ મંત્રી માઈક પોમ્પિયોએ એક સંયુક્ત નિવેદન જારી કરી ભારતીય અંતરિક્ષ અનુસંધાન સંગઠન (ઈસરો) અને National Aeronautics and Space Administration(નાસા)ની વચ્ચે ચાલી રહેલા સહયોગને બિરદાવ્યો હતો.
 

નિવેદનમાં જણાવવામાં આવ્યું કે આ સાથે નાસા - ઈસરો સિન્થેટિક એપર્ચર રડાર(નિસાર) ઉપગ્રહને 2022 સુધી લોન્ચ કરવામાં આવશે. ધરતી પર સતર્ક રીતે નજર રાખવા માટે બન્ને દેશોની અંતરિક્ષ એજન્સીએ 2014માં નિસાર ઉપગ્રહને વિકસિત કરવા અને લોન્ચ કરવા માટે સંયુક્ત નિસાર મિશનનું સંચાલન કરવા માટે એક સમજૂતિ પર હસ્તાક્ષર કર્યા હતા.