OMG / 'આયરન મેન' સ્ટારે ચ્યુઈંગ ગમ થૂકી, હવે 45 લાખમાં વેચાવા મૂકાઈ, હજુ તો કિંમત વધવાની શક્યતા!

• રોબર્ટ ડાઉની જુનિયરની ચ્યુઈંગ ગમ હાલ ઓનલાઈન વેચાઈ રહી
• આટલા લાખમાં વેચાઇ રહી છે ચ્યુઇંગ ગમ 
• ચ્યુઇંગ ગમની eBay પર હરાજી કરવામાં આવી રહી છે

સિનેમા પ્રેમીઓ તેમના મનપસંદ સેલેબ્સ પર અપાર પ્રેમ વરસાવે છે એ પછી બોલિવૂડ હોય, હોલીવુડ હોય કે કોઈપણ દેશ-પ્રદેશની સિનેમા હોય. સેલેબ્સ માટે એમના ફેન્સનો ક્રેઝ ઘણો અલગ સ્તર પર જ હોય છે. એવામાં હાલ એક સમાચાર સામે આવ્યા છે જેના પરથી તમે આ વાતનો અંદાજો લગાવી શકો છો.

જણાવી દઈએ કે  આયર્ન મેન ફેમ એક્ટર રોબર્ટ ડાઉની જુનિયર વિશે આવા સમાચાર સામે આવ્યા છે, જેને સાંભળીને શાયદ તમે પણ ચોંકી જશો. રોબર્ટ ડાઉની જુનિયર દ્વારા ચાવીને થૂંકેલી ચ્યુઈંગ ગમ હાલ ઓનલાઈન વેચાઈ રહી છે અને તેની કિંમત લાખોમાં છે. 

આટલા લાખમાં વેચાઇ રહી છે ચ્યુઇંગ ગમ 
ઓનલાઈન ઈ-કોમર્સ સાઈટ eBay પર એક ચ્યુઈંગ ગમ વેચાઈ રહી છે અને આ ચ્યુઇંગ ગમ 10-20 રૂપિયામાં નહીં પરંતુ 45 લાખ રૂપિયામાં વેચાઈ રહી છે. આયર્ન મૅન ફેમ સુપરસ્ટાર રોબર્ટ ડાઉની જુનિયર દ્વારા થૂંકેલા ચ્યુઇંગ ગમની હરાજી કરવામાં આવી રહી છે અને એક રિપોર્ટ અનુસાર આ ચ્યુઇંગ ગમ 45 લાખ રૂપિયામાં વેચાઈ રહી છે, જો કે આ પણ હજુ તેની છેલ્લી કિંમત નનથી. જણાવી દઈએ કે આ ચ્યુઇંગ ગમની eBay પર હરાજી કરવામાં આવી રહી છે. 

રોબર્ટ ડાઉની જુનિયરની ચાવેલી ચ્યુઇંગ ગમ
રિપોર્ટ અનુસાર 13 ફેબ્રુઆરી 2023 ના રોજ અભિનેતા/ફિલ્મ નિર્માતા જોન ફેવરોના હોલીવુડ વોક ઓફ ફેમ સ્ટારનું અનાવરણ કરવા પંહોચ્યાં હતા. એ સમયે ત્યાં રોબર્ટ ડાઉની પણ પંહોચ્યાં હતા અને મજાકમાં ડાઉની જુનિયરે તેના મોંમાંથી ચ્યુઇંગ ગમ કાઢીને ચોંટાડી દીધી હતી. ત્યાંથી ચાલતી એક વ્યક્તિએ તે ચ્યુઇંગ ગમ ઉઠાવી લીધી અને એ બાદ eBay નામની ઓનલાઈન વેબસાઈટ પર વેચવા મુકી હતી સાથે જ તેને આ ચ્યુઇંગ ગમ બિડિંગ માટે મૂકવામાં આવી હતી. કારણ કે તે રોબર્ટ ડાઉન જુનિયરની ચ્યુઇંગ ગમ હતી. 

આ ચ્યુઇંગ ગમ વેચવાની પોસ્ટમાં લખ્યું છે કે.. 
હેલો, અભિનેતા-નિર્માતા જોન ફેવરોએ તાજેતરમાં હોલીવુડ વોક ઓફ ફેમમાં એક સ્ટાર ઉમેર્યો હતો. આ ઘટના વખતે હું એ જ વિસ્તારમાં હતો. તે ઇવેન્ટ દરમિયાન, રોબર્ટ ડાઉની જુનિયરે પોતે સ્ટાર પર ચ્યુઇંગ ગમ ચોંટાડી હતી. પછી ત્યાંથી નીકળી ગયા અને એ ચ્યુઇંગ ગમ મે ઉપાડી લીધી હવે હું તે ચ્યુઇંગ ગમને તે જ સ્થિતિમાં વેચી રહ્યો છું. તમે તેનો ડીએનએ ટેસ્ટ કરાવીને પણ તપાસ કરી શકો છો. તમને આ ચ્યુઇંગ ગમ પ્લાસ્ટિકના કન્ટેનરમાં મળશે. જ્યારે હું તેને અહીંથી મોકલીશ, ત્યારે તમે તેની શિપિંગને પણ ટ્રેક કરી શકો છો.