આઇઆરસીટીસી નવા વર્ષે પોતાના યાત્રીઓ માટે એક ખાસ ટુર પેકેજ લાવ્યુ છે. આ પેકેજ હેઠળ તમે આંદામાન દ્વીપ સમુહના સુંદર ટુરિસ્ટ સ્પોટ પર 6 દિવસ અને 5 રાત વિતાવી શકો છો. મુંબઇથી શરુ થતી આ ટ્રિપ દરમિયાન યાત્રિઓને પોર્ટ બ્લેર, પોર્ટ બ્લેર નેલ આઇલેન્ડ અને હેવલોક આઇલેન્ડ જેવી શાનદાર લોકેશન્સની સેર કરાવાશે. અહીં આઇઆરસીટીસીના ટુર પેકેજની જાણકારી આપવામાં આવી છે.
આઇઆરસીટીસી નવા વર્ષે પોતાના યાત્રીઓ માટે એક ખાસ ટુર પેકેજ લાવ્યુ છે
આ ટુરની શરુઆત મુંબઇથી 4 જાન્યુઆરી, 2020ના રોજ થશે
ટુરની શરુઆત મુંબઇથી 4 જાન્યુઆરી, 2020ના રોજ થશે
આઇઆરસીટીસીની ઓફિશિયલ વેબસાઇટ પર અપાયેલી જાણકારી મુજબ આ ટુરપેકેજનું નામ ‘Wondrous Andaman-Ex-Mumbai’ છે. આ ટુરની શરુઆત મુંબઇથી 4 જાન્યુઆરી, 2020ના રોજ થશે. યાત્રીઓ 4 અને 5 જાન્યુઆરીએ મુંબઇથી ફ્લાઇટ લઇ શકશે. આ ટુર દરમિયાન પોર્ટ બ્લેરમાં ત્રણ રાત રોકાવાનુ રહેશે. હેવલોત અને નેલ આઇલેન્ડ પર એક રાત માટે રહેવાની વ્યવસ્થા છે. આ ટુર પેકેજનું બુકિંગ 4 જાન્યુઆરી 2020 સુધી કરી શકાશે.
આ પેકેજમાં 4 જાન્યુઆરીએ ટ્વિન શેરિંગની વ્યક્તિ દીઠ કિંમત 47,450 રૂ., ટ્રિપલ શેરિંગની કિંમત 46,240 રૂ. છે. જો તમારી સાથે બાળક પણ હશે તો તેનો ચાર્જ 38,550 રૂ. થશે. જો બાળક માટે એક્સ્ટ્રા બેડની જરુર નહી હોય તો 26,020 રૂ. ચુકવવા પડશે. 2થી5 વર્ષના બાળક માટે 17,720 રૂ. ચુકવવા પડશે.
આ પેકેજમાં આંદામાન-નિકોબારમાં પર્યટન સ્થળો પર ફરવાની તેમજ આવવા જવાની વ્યવસ્થા અને પર્યટક વાહનોની પ્રવેશ પરમિટ, ટિકિટ અને વન ક્ષેત્રમાં જ્યાં પણ પરમિટની જરુર છે તે તમામ ખર્ચ સામેલ છે. આઇઆરસીટીસીની વેબસાઇટ અનુસાર પેકેજમાં ફ્લાઇટના ભાડામાં થતી વધઘટ, વ્યક્તિગત ખર્ચ જેમકે કપડા ધોવડાવવા, ટેલિફોન કોલ, ટિપ્સ અને ગ્રેચ્યુટી, મિનરલ વોટર, વધારાના દર્શનીય સ્થળ કે વાહનોનો વધારાનો ઉપયોગ, પેકેજમાં અપાયેલા કાર્યક્રમો ઉપરાંત કોઇ પણ સ્થિતિમાં કાર્યક્રમમાં આવનારા બદલાવ પર આવનારો ખર્ચો યાત્રીઓએ જાતે ભરવો પડશે.
હનિમુન કપલ્સ માટે પરફેક્ટ ડેસ્ટિનેશન છે આંદામાનનો બીચ
આંદામાન-નિકોબાર દ્રીપ સમુહને ભારતમાં હનીમુન કપલ્સનુ સ્વર્ગ કહેવાય છે. આ દ્રીપ સમુહના હેવલોક આઇલેન્ડનો રાધાનગર બીચ સૌથી બેસ્ટ છે. તેને એક મેગેઝીને દુનિયાના બેસ્ટ બીચના રેંકિંગમાં આઠમુ સ્થાન આપ્યુ છે.