રાહત / ટ્રેનમાં હવે પ્રવાસીઓ વોટ્સએપ પર ખાવાનું મંગાવી શકશે, રેલવેએ લોન્ચ કરી નવી સુવિધા

• ટ્રેનમાં સફર કરતા લોકોને મોટી રાહત
• વોટ્સએપ પર ફૂડનો ઓર્ડર કરી શકશે
•  IRCTCએ લોન્ચ કરી નવી સુવિધા 

ટ્રેનોમાં ખાવાનું મંગાવવાનું હવે વધારે સરળ બન્યું છે. IRCTCએ મુસાફરો માટે વોટ્સએપ ફૂડ ડિલિવરી સુવિધા શરુ કરી છે. રેલવે વિભાગના અધિકારીઓએ એવું જણાવ્યું કે ભારતીય રેલવેના મુસાફરો હવે ટ્રેનોમાં સફર કરતી વખતે તેમનો પીએનઆર નંબરનો ઉપયોગ કરીને વોટ્સએપ પર ઓનલાઈન ફૂડનો ઓર્ડર આપી શકશે. મુસાફરો તેમની જગ્યાએ બેઠા બેઠા વેજ થાળી, વેજ-ચીકન બિરીયાની, જૈન સ્પેશિયલ થાળી સહિતની બીજી આઈટમો મંગાવી શકશે. વોટ્સએપ ફૂડ ડિલિવરી સુવિધા ઝૂપ સાથે મળીને શરુ કરવામાં આવી છે જેમાં રેલવેના પ્રવાસીઓ મુસાફરી વખતે વોટ્સએપ પર ફૂડનો ઓર્ડર કરી શકે છે. વોટ્સએપના લેટેસ્ટ વર્ઝ ઝિવાની સાથે મુસાફરો તેમનો પીએનઆર નંબરનો ઉપયોગ કરીને ફૂડનો ઓર્ડર આપી શકે છે અને તેમની જગ્યા પર ભોજન મંગાવી શકે છે. 

IRCTC launches WhatsApp food delivery facility for passengers

Read @ANI Story | https://t.co/x4RrxMVz4E #IRCTC #WhatsappFoodDelivery #IndianRailways #Zoop pic.twitter.com/lBmNzy9fy9

— ANI Digital (@ani_digital) August 29, 2022

 91 7042062070 વોટ્સએપ નંબર જારી કરાયો 
રેલવે દ્વારા જારી નિવેદનમાં એવું જણાવાયું છે કે મુસાફરો ઝૂપ સાથે વોટ્સએપ પર +91 7042062070 પર ચેટ કરી શકે છે. તે વોટ્સએપની અંદર એક ઝડપી અને સરળ 3-ક્લિક ચુકવણીનો અનુભવ પણ પ્રદાન કરે છે, જે રીઅલ-ટાઇમ ટ્રેકિંગ અને સપોર્ટ સાથે ઇન્સ્ટન્ટ ઓર્ડર આપે છે. 

આ સ્ટેશનો પર શરુ થઈ સુવિધા 
આ સેવાઓ વિજયવાડા, વડોદરા, મુરાદાબાદ, વારંગલ, પીટી, દીન દયાળ ઉપાધ્યાય, કાનપુર, આગ્રા કેન્ટ, ટુંડલા જંક્શન, બલહરશાહ જંકશન અને 100+ એ1, એ અને બી કેટેગરીના રેલવે સ્ટેશનો પર ઉપલબ્ધ છે.