અમેરિકાના પ્રતિબંધોથી ઇરાન પર અસર 1 00 000 રિયાલ = 1 ડોલર

શિયા બહુમતીવાળા ઈરાનને એકલું-અટલું કરવાની સાથે જ તેની અર્થવ્યવસ્થાને ફટકો મારવા માટે અમેરિકા દ્વારા લગાવાયેલા કડક પ્રતિબંધોની અસર દેખાવા લાગી છે. આર્થિક સંકટનો સામનો કરી રહેલા ઈરાનની કરન્સી સતત નીચે જઈ રહી છે. ડોલરની સરખામણીએ ઈરાનની કરન્સી રિયાલની કિંમત શનિવારે 1 12 000 સુધી પહોચી ગઈ. શનિવારે 1 ડોલરની કિંમત 98 000 રિયાલ હતી. સરકાર તરફથી નિર્ધારિત એક્સચેન્જ દર ડોલરની સરખામણીએ 44 070 હતો. જાન્યુઆરીએ તેની કિંમત 35 186 હતી.

ડોલરની સરખામણીમાં રિયાલની વેલ્યૂમાં થયેલો ઘટાડો છેલ્લા ચાર મહિનામાં આવ્યો છે. તે પહેલી વખત માર્ચમાં 50 000ના સ્તરની નીચે આવી ગયો હતો. સરકારે એપ્રિલમાં કિંમતને 42 000 પર સ્થિર કરવાનો પ્રયાસ કર્યો અને બ્લેક માર્કેટિંગ કરનારા પર કડક કાર્યવાહીની ચેતવણી આપી હતી. જોકે તે હજુ પણ ચાલુ છે.

ઇરાનાના લોકો અર્થવ્યવ્સ્થામાં ઘટાડાને લઇને ચિંતામાં છે અને પોતાની બચત કે રોકાણને ડૉલરના રૂપમાં સુરક્ષિત રાખવા માટે ઇચ્છે છે કેમકે રિયાલની કિંમતમાં ઘટાડો હજુ પણ ચાલુ રહી શકે છે.

બેંક સામાન્ય રીતે ડોલર આર્ટિફિશયલ લો રેટ પર વેચવાનો ઇન્કાર કરે છે સરકારે જૂનમાં પોતાના વલણમાં નરમાશ વાલતા આયાત પર કેટલાક સમૂહોને છૂટ આપવી પડી હતી.

ગત સપ્તાહે પ્રેસિડન્ટ હસન રૂહાનીએ સેન્ટ્રલ બેંકના ચીફને બદલી નાખ્યા હતા. તેની પાછળ એક મોટું કારણ સંકટનો સામનો કરવા નિષ્ફળતા જણવાઇ રહ્યુ છે.

મેમાં અમેરિકા 2015 ન્યૂક્લિયર ડીલમાંથી બહાર થઈ ગયું હતું અને તે પછી ઈરાનને ફરી એકવખત પ્રતિબંધોનો સામનો કરવો પડી રહ્યો છે. અમેરિકાએ 6 ઓગસ્ટ અને 4 નવેમ્બરે ઈરાન પર સંપૂર્ણ પ્રતિબંધ લગાવી દીધો. તેનાથી ઘણી વિદેશી કંપનીઓને ઈરાન સાથેનો વેપાર બંધ કરવો પડ્યો. તે પછીથી ઈરાનની કરન્સીમાં સતત ઘટાડો થવાનું ચાલુ છે.