પોસ્ટ / પૂર્વ IPS અધિકારે ભ્રષ્ટાચાર મામલે ગુજરાતની પોલ ખોલી નાંખી : સરકાર દોડતી થઈ

• ભ્રષ્ટાચાર મુદ્દે નિવૃત IPSની ફેસબુક પોસ્ટથી ખળભળાટ
• ગુજરાતના નિવૃત IPS રમેશ સવાણીની પોસ્ટ વાયરલ
• સવાણીએ ACBની કાર્યવાહીને લઇને પણ કર્યા આક્ષેપ

ACBને ભ્રષ્ટાચાર નાથવા બનાવી છે પણ તેના અધિકારીઓ પોલીસના જ હોય છે. ACBમાં કામ કરતા પોલીસવાળા પણ ભ્રષ્ટાચારના રંગે રંગાયેલા જ હોય છે. ફરિયાદીને પોલીસવાળા પાસે માતાજીની છબી જોઈને લાગે છે કે પોલીસ મદદ કરશે, પરંતુ પોલીસ ફરિયાદીને સાંભળવાના બદલે પૈસાની માંગણી કરે છે.

ગુજરાતમાં મોટો ભ્રષ્ટાચાર IPS અધિકારીઓ કરે છે

ટ્રાફિક પોલીસના ઉઘરાણાનો તો સામાન્ય નાગરિકને અનુભવ છે જ પણ કોન્સ્ટેબલ લાંચ લે છે તે તો માત્ર હીમશિલાની ટોચ માત્ર છે. ગુજરાતમાં મોટો ભ્રષ્ટાચાર IPS અધિકારીઓ કરે છે. IPS અધિકારીઓ જ ભ્રષ્ટાચાર કરતા હોવાના કારણે નીચે સુધી થાય છે. IPS અધિકારીઓ શરમ રાખ્યા વિના ભ્રષ્ટાચાર કરે છે. IPS અધિકારીઓ તક મળે તો ભ્રષ્ટાચાર કરી જ લે છે. અને તક ન મળે તો ભ્રષ્ટાચાર કરવાની તક ઉભી કરે છે

જે ફર્નિચર કામનું જ નથી એવું શું કામ ખરીદ્યુ?

ગુજરાત પોલીસે એવું ફર્નિચર ખરીદ્યું છે જે વર્ષોથી પડ્યું રહે છે. આ ફર્નિચર વપરાશ વીના વર્ષોથી સડી રહ્યું છે. ખુરશી ટેબલ અને કબાટ ક્યાં રાખવા તેની જગ્યા નથી અને ફર્નિચર ખરીદાયું છે. વડોદરાની તાલીમ તાલિમ શાળામાં વર્ષોથી બે જનરેટર વપરાયા વીના પડ્યા છે. અનેક વસ્તુઓ જરૂરિયાત વગર ખરીદવા પાછળનું કારણ કમિશન છે.

વર્દીનું કાપડ ખરીદવામાં ભ્રષ્ટાચાર

એક સમયે પોલીસની વરદીનું કાપડ ખરીદવામાં પણ મોટો ભ્રષ્ટાચાર થતો હતો. વરદીના કાપડમાં કમિશનનો ખેલ હોવાના કારણે ખાખી કલર જતો રહેતો હતો. બૂટ-મોજા અને રેઈનકોટની હાલત તો બે મહિનામાં જ ખરાબ થઈ જતી હતી.

તાલિમમાં પણ ભ્રષ્ટાચાર

કોન્સ્ટેબલની તાલિમમાં એક રાઉંડ ઓછું રનિંગ કરવા DySP પૈસા પડાવે છે. તાલિમમાં જ ભ્રષ્ટાચારનો ભોગ બનતો કોન્સ્ટેબલ કેવી રીતે સમાજ સાથે સારો વ્યવહાર કરે?

IPS અધિકારીઓ નોન-કરપ્ટ હોવાનો ઢોંગ કરે છે

ગુજરાત કેડરના એક IPS અધિકારીએ વડોદરામાં 300 કરોડની લાંચ લીધી હતી. આ અધિકારી સામે 300 કરોડની લાંચની CBI ઈન્કવાયરી ચાલતી હતી, છતાં આ કરપ્ટ અધિકારીની નિમણૂંક CBIમાં થઈ હતી.