IPL 2024 / આજે મુંબઇ ઇન્ડિયન્સની રાજસ્થાન સામે કાંટે કી ટક્કર, પ્રથમવાર ઘરઆંગણે થશે હાર્દિક પંડ્યાની કસોટી

IPL 2024ની 14મી મેચમાં મુંબઈ ઈન્ડિયન્સનો સામનો રાજસ્થાન રોયલ્સ સાથે થશે. આ મેચ આજે એટલે કે 1 એપ્રિલે મુંબઈના હોમ ગ્રાઉન્ડ એટલે કે વાનખેડે સ્ટેડિયમમાં રમાવાની છે. જાણીતું છે કે મુંબઈ સિઝનની તેની પ્રથમ જીતની શોધમાં છે, જ્યારે રાજસ્થાનનો ઉત્સાહ સતત બે જીત સાથે ટોચ પર છે. આવી સ્થિતિમાં આ મેચ ખૂબ જ રોમાંચક રહેવાની આશા છે.

𝕂𝕌ℕ𝔾 𝔽𝕌 ℙ𝔸ℕ𝔻𝕐𝔸 ➡️ Coming 🔜 to Wankhede on April 1 🏚️🥋#MumbaiMeriJaan #MumbaiIndians pic.twitter.com/feZtDYIGCs

— Mumbai Indians (@mipaltan) March 30, 2024

ઘરઆંગણે મુંબઈની આ પ્રથમ મેચ હશે. એ તો જાણીતું જ છે કે અત્યાર સુધી રમાયેલી બંને મેચમાં તેને હારનો સામનો કરવો પડ્યો છે. પ્રથમ મેચમાં હાર્દિકની ટીમને ગુજરાત ટાઇટન્સ સામે હારનો સામનો કરવો પડ્યો હતો જ્યારે બીજી મેચમાં સનરાઇઝર્સ હૈદરાબાદે તેને 31 રને પરાજય આપ્યો હતો. ટીમની કમાન હાર્દિક પંડ્યાના હાથમાં છે અને અત્યાર સુધી રમાયેલી બે મેચમાં તેણે પોતાની કેપ્ટનશિપથી બધાને નિરાશ કર્યા છે.

YBJ with his Rohit Bhaiyya 💙🩷#MumbaiMeriJaan #MumbaiIndians #MIvRR | @ImRo45 pic.twitter.com/jNGYph1wN0

— Mumbai Indians (@mipaltan) March 31, 2024

હવે જો આપણે વાનખેડે સ્ટેડિયમની પિચની વાત કરીએ તો તે ઐતિહાસિક રીતે બેટિંગ માટે અનુકૂળ રહી છે. ચિન્નાસ્વામી સાથે આ સ્થળ પર આઈપીએલમાં સૌથી વધુ છગ્ગા ફટકાર્યા છે. ટીમો આ સ્થળ પર લક્ષ્યનો પીછો કરવાનું પસંદ કરે છે, કારણ કે ઝાકળને કારણે બીજા હાફમાં અહીં પીછો કરવાનું સરળ બને છે. વાનખેડે સ્ટેડિયમમાં અત્યાર સુધીમાં 109 IPL મેચ રમાઈ છે. ટાર્ગેટનો પીછો કરતી ટીમે 59 મેચ જીતી છે જ્યારે પ્રથમ બેટિંગ કરનારી ટીમે 50 મેચ જીતી છે. આવી સ્થિતિમાં આ મેચમાં પણ ઘણા રન થવાની આશા છે.  

आपल्या घरी येताय ना आज? 🏟️💙#MumbaiMeriJaan #MumbaiIndians #MIvRR pic.twitter.com/J62XTJLcju

— Mumbai Indians (@mipaltan) April 1, 2024

બંને ટીમના પ્લેઇંગ 11 આવી રહી શકે છે
મુંબઈ ઈન્ડિયન્સ: રોહિત શર્મા, ઈશાન કિશન (wk), નમન ધીર, તિલક વર્મા, હાર્દિક પંડ્યા (c), ટિમ ડેવિડ, મોહમ્મદ નબી, ગેરાલ્ડ કોએત્ઝી, પીયૂષ ચાવલા, જસપ્રિત બુમરાહ, ક્વેના મફાકા.

રાજસ્થાન રોયલ્સ: યશસ્વી જયસ્વાલ, જોસ બટલર, સંજુ સેમસન (કેપ્ટન અને વિકેટકીપર), રીયાન પરાગ, શિમરોન હેટમાયર, ધ્રુવ જુરેલ, રવિચંદ્રન અશ્વિન, ટ્રેન્ટ બોલ્ટ, સંદીપ શર્મા, અવેશ ખાન, યુઝવેન્દ્ર ચહલ.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો