IPL 2023 / KKR અને દિલ્હી કેપિટલ્સ માટે ગુડ ન્યુઝ, IPLની આગામી મેચમાં સામેલ થશે આ દેશના ખેલાડીઓ

• કોલકાતા નાઈટ રાઈડર્સ અને દિલ્હી કેપિટલ્સ માટે સારા સમાચાર
• બાંગ્લાદેશના ખેલાડીઓ આગામી મેચ માટે હજાર રહેશે
• હવે દિલ્હીની બોલિંગ તો કોલકાતાની બેટિંગ બનશે મજબૂત 

આઈપીએલ 2023ની આવનારી મેચ માટે કોલકાતા નાઈટ રાઈડર્સ અને દિલ્હી કેપિટલ્સ માટે સારા સમાચાર સામે આવ્યા છે. જણાવી દઈએ કે આ બંને ટીમમાં સામેલ બાંગ્લાદેશના ખેલાડીઓ આગામી મેચ માટે હજાર રહેશે. બાંગ્લાદેશના મુસ્તાફિઝુર રહેમાન 1 એપ્રિલના રોજ દિલ્હી કેપિટલ્સ ટીમ સાથે જોડાશે, જે ખૂબ આક્રમક બોલર છે. તે જ સમયે લિટન દાસ અને શાકિબ અલ હસનને જોડ્યા બાદ કોલકાતા નાઈટ રાઈડર્સની ટીમ ઘણી ખુશ છે. આ ખેલાડીઓ બીજી મેચમાં પોતપોતાની ટીમ માટે ઉપલબ્ધ રહેશે. 

In sunshine, in storm... Always #AmiKKR 💜#PBKSvKKR | #TATAIPL 2023 pic.twitter.com/8gV1YxXJuE

— KolkataKnightRiders (@KKRiders) April 2, 2023

કોલકાતા નાઈટ રાઈડર્સને હારનો સામનો કરવો પડ્યો
IPL 2023માં ગઇકાલે કોલકાતા અને દિલ્હીની ટીમોએ પોતપોતાની ઓપનર મેચ રમી હતી પણ આ બંને ટીમોને પોતાની પહેલી મેચમાં હારનો સામનો કરવો પડ્યો હતો. જણાવી દઈએ કે પંજાબ કિંગ્સ સામે મોહાલીમાં રમાયેલી મેચમાં કોલકાતા નાઈટ રાઈડર્સને હારનો સામનો કરવો પડ્યો હતો અને પંજાબની ટીમે ડકવર્થ લુઈસ નિયમના આધારે મેચ 7 રને જીતી લીધી હતી. 

𝘼 𝘾𝙖𝙥𝙞𝙩𝙖𝙡𝙨 𝙘𝙖𝙩𝙘𝙝𝙪𝙥 🤝🤩#YehHaiNayiDilli #LSGvDC #IPL2023 pic.twitter.com/IPfgwAv95e

— Delhi Capitals (@DelhiCapitals) April 1, 2023

દિલ્હી કેપિટલ્સ પણ ખરાબ રીતે હારી મેચ 
બીજી તરફ દિલ્હી કેપિટલ્સને પણ તેની ઓપનર મેચમાં લખનૌ સુપર જાયન્ટ્સ સામે હારનો સામનો કરવો પડ્યો હતો. નોંધનીય છે કે 1 એપ્રિલે લખનૌના એકાના સ્ટેડિયમમાં રમાયેલી મેચમાં પહેલા બેટિંગ કરતા લખનૌએ 6 વિકેટના નુકસાને 193 રન બનાવ્યા હતા અને દિલ્હીની ટીમે 9 વિકેટ ગુમાવીને 143 રન જ બનાવી શકી હતી. 

હવે દિલ્હીની બોલિંગ તો કોલકાતાની બેટિંગ બનશે મજબૂત 
બાંગ્લાદેશના મુસ્તફિઝુર રહેમાનના સમાવેશ બાદ દિલ્હીની બોલિંગ વધુ મજબૂત બનશે. લિટન દાસ અને શાકિબ અલ હસનના ટીમમાં સામેલ થયા બાદ KKRની બેટિંગ ઘણી મજબૂત હશે. હાલમાં આ બંને ખેલાડીઓ શાનદાર ફોર્મમાં છે. લિટન દાસ તેની આક્રમક બેટિંગ માટે જાણીતો છે.