IPL 2023 Final / CSKની જીત બાદ કોહલી-અનુષ્કાનું રીએક્શન વાયરલ, જાડેજાના વખાણ તો ધોનીને આપ્યું સન્માન

• IPL 2023ની ફાઇનલમાં ચેન્નાઇએ ગુજરાત ટાઇટન્સને 5 વિકેટે હરાવ્યું 
• વિરાટે ધોની અને જાડેજાનો ફોટો મુકીને ચેન્નાઈને જીત માટે અભિનંદન પાઠવ્યા છે
• અનુષ્કાએ પણ ઈન્સ્ટાગ્રામ પર સ્ટોરી શેર કરી

IPL 2023 Final: રોયલ ચેલેન્જર્સ બેંગ્લોરના ખેલાડીઓ વિરાટ કોહલી અને અનુષ્કા શર્માએ ચેમ્પિયન બનવા પર ચેન્નાઈ સુપર કિંગ્સને ખાસ રીતે અભિનંદન પાઠવ્યા હતા. કોહલી અને અનુષ્કાએ સોશિયલ મીડિયા પર પોસ્ટ કરીને મહેન્દ્ર સિંહ ધોની માટે ખાસ કેપ્શન આપ્યું હતું. IPL 2023ની ફાઇનલમાં ચેન્નાઇએ ગુજરાત ટાઇટન્સને 5 વિકેટે હરાવ્યું હતું. અમદાવાદના નરેન્દ્ર મોદી સ્ટેડિયમમાં રમાયેલી આ મેચ રસપ્રદ રહી હતી. સીએસકેએ વરસાદથી પ્રભાવિત મેચમાં શાનદાર પ્રદર્શન કર્યું અને પાંચમી વખત ટાઇટલ જીત્યું.

કોહલીએ ઈન્સ્ટાગ્રામ સ્ટોરીમાં એક ફોટો શેર કર્યો છે. કોહલી ટીવી પર મેચ જોઈ રહ્યો હતો. તેણે ચેન્નાઈના ખેલાડીઓના સેલિબ્રેશનનો ફોટો પાડ્યો છે. આ સાથે તેણે રવીન્દ્ર જાડેજા અને ધોની માટે સ્પેશિયલ કેપ્શન પણ લખ્યું છે. કોહલીએ ધોની માટે હાર્ટ ઇમોજી પણ મૂકી અને ખાસ ઉલ્લેખ કર્યો. બીજી તરફ અનુષ્કાએ પણ ઈન્સ્ટાગ્રામ પર સ્ટોરી શેર કરી છે. તેણે ધોની અને જાડેજાનો ફોટો મુકીને ચેન્નાઈને જીત માટે અભિનંદન પાઠવ્યા છે. કોહલીએ સ્ટોરી શેર કરી બતાવ્યું કે તે કેવી રીતે ધોનીનું સન્માન કરે છે.

નોંધનીય છે કે, જો આપણે ચેન્નાઈ માટે આ સિઝનમાં સૌથી વધુ રન બનાવનારા ખેલાડીઓની યાદી પર નજર કરીએ તો, ડેવોન કોનવે ટોચ પર જોવા મળશે. તેણે 16 મેચમાં 672 રન બનાવ્યા છે. ઋતુરાજ ગાયકવાડે 16 મેચમાં 590 રન બનાવ્યા છે. શિવમ દુબેએ 16 મેચમાં 418 રન બનાવ્યા છે. બોલિંગમાં તુષાર દેશપાંડે, રવિન્દ્ર જાડેજા અને મહિશા પથિરાનાએ શાનદાર પ્રદર્શન કર્યું હતું. તુષારે 16 મેચમાં 21 વિકેટ લીધી હતી. આ સિઝનમાં સૌથી વધુ વિકેટ લેવાના મામલે તે છઠ્ઠા ક્રમે છે. જાડેજાએ 16 મેચમાં 20 વિકેટ લીધી હતી. પથિરાનાએ 12 મેચમાં 19 વિકેટ લીધી હતી.