IPL 2020 / આજે 332 ખેલાડીઓ પર લગાવાશે બોલી, સૌથી ઊંચી કિંમતના બ્રેકેટમાં 7 ખેલાડી

• હરાજીમાં 73 ખેલાડીઓ પર લગાવાશે બોલી
• કોલકાતામાં યોજાશે IPLની 13મી આવૃત્તિની હરાજી
• સૌથી વધુ કિંમતના એટલે કે 2 કરોડના બ્રેકેટમાં 7 ખેલાડી

હરાજી માટે IPL મેનેજમેન્ટે 332 ખેલાડીઓને શોર્ટલિસ્ટ કર્યા છે. જેમાં 186 ભારતીય ખેલાડી, 143 વિદેશી ખેલાડી અને એસોસિએટ નેશન્સના 3 ખેલાડીઓ સામેલ છે. ઉલ્લેખનીય છે કે, હરાજી માટે કુલ 997 ખેલાડીઓએ નોંધણી કરાવી હતી. 

Who amongst these will draw the big bucks at the #IPLAuction?💰💰
Let us know your thoughts. pic.twitter.com/XxyypOGWZo

— IndianPremierLeague (@IPL) December 16, 2019

હરાજી પ્રક્રિયાનું પ્રસારણ બપોરે 2.30 વાગ્યે શરૂ થશે

19 ડિસેમ્બરે હરાજી પ્રક્રિયાનું પ્રસારણ સ્ટાર સ્પોર્ટ્સ નેટવર્ક અને હોટસ્ટાર (Star Sports & Hotstar) બપોરે 2.30 વાગ્યે શરૂ થશે. 

સૌથી વધુ કિંમતના એટલે કે 2 કરોડના બ્રેકેટમાં 7 ખેલાડી

સૌથી વધુ કિંમતના બે કરોડના બ્રેકેટમાં 7 ખેલાડીઓ છે, જ્યારે 1.5 કરોડના બ્રેકેટમાં 10 અને 1 કરોડના બ્રેકેટમાં 23 ખેલાડીઓ છે. અનકેપ્ડ ખેલાડીઓની લિસ્ટમાં 183 ખેલાડીઓ 20 લાખ, 7 ખેલાડીઓ 40 લાખ અને 8 ખેલાડીઓ 30 લાખ રૂપિયાની લિસ્ટમાં સામેલ છે. 

And VIVO #IPLAuction is back! 👊
Big names, Big numbers. How will they fare? 🤔 pic.twitter.com/IbqX3QPeTd

— IndianPremierLeague (@IPL) December 16, 2019

કોલકાતા નાઈટ રાઇડર્સથી રિલીઝ કરાયેલા રોબિન ઉથપ્પાએ પોતાને 1.5 કરોડ રૂપિયાની લિસ્ટમાં સ્થાન આપ્યું છે. આ યાદીમાં તે એકમાત્ર ભારતીય ખેલાડી છે. 

બે કરોડ રૂપિયાના બેસ્ટ પ્રાઈસ ધરાવતા વિદેશી ખેલાડીઓમાં ઓસ્ટ્રેલિયાના ગ્લેન મેક્સવેલ, ક્રિસ લિન, પેટ કમિન્સ, જોશ હેઝલવુડ, મિશેલ માર્શ, દક્ષિણ આફ્રિકાના ફાસ્ટ બોલર ડેલ સ્ટેન અને શ્રીલંકાના બેટ્સમેન એન્જેલો મેથ્યુઝનો સમાવેશ થાય છે.

આ ખેલાડીઓ પર હશે બધાંની નજર

ઓસ્ટ્રેલિયાના ફાસ્ટ બોલર જોશ હેઝલવુડ આઈપીએલમાં રમ્યો નથી, પરંતુ તેણે અને સાથી ખેલાડી પેટ કમિન્સએ પોતાને સૌથી ઊંચી કિંમત (2 કરોડ રૂપિયા) ખેલાડીઓની લિસ્ટમાં સ્થાન આપ્યું છે. કમિન્સ અગાઉ કેકેઆર, દિલ્હી કેપિટલ્સ અને મુંબઇ ઇન્ડિયન્સનું પ્રતિનિધિત્વ કરી ચૂક્યો છે. મેક્સવેલે હાલમાં જ માનસિક સ્વાસ્થ્ય સુધારવા માટે વિરામ લીધો હતો. ઓસ્ટ્રેલિયાના મર્યાદિત ઓવરના કેપ્ટન ફિંચ સાથે ગત સીઝનમાંથી બહાર થયા બાદ તે હરાજી પૂલમાં પાછો આવ્યો છે. ફિંચ એક કરોડ રૂપિયાના ખેલાડીઓની લિસ્ટમાં છે. કેકેઆરથી રિલીઝ કરાયેલ ઓસ્ટ્રેલિયાના ક્રિસ લિનને આ બોલીમાં સારી કિંમત મળશે તેવી આશા છે. 

ભારતીયોમાં ઉથપ્પા, ઉનાદકટ, પઠાણ, ચાવલા...

આ વખતે હરાજીમાં ભારતીયો ખેલાડીઓમાં રોબિન ઉથપ્પાનો બેઝ પ્રાઈસ સૌથી વધુ 1.5 કરોડ છે. લેફ્ટ હેન્ડ ફાસ્ટ બોલર જયદેવ ઉનાદકટનો બેઝ પ્રાઈસ 1 કરોડ રૂપિયા છે. છેલ્લી બે સીઝન માટે ઉનાદકટ સૌથી વધુ કિંમતે વેચાયો હતો. ઉનાદકટ 2019 માટે 8.40 કરોડમાં વેચાયો હતો, જ્યારે 2018 માટે 11. 50 કરોડ રૂપિયાની બોલી લાગી હતી. બંને વખત રાજસ્થાન રોયલ્સે ઉનાદકટ પર પોતાનો દાવ અજમાવ્યો હતો. અન્ય ભારતીય સ્ટાર્સમાં પિયુષ ચાવલા અને યુસુફ પઠાણે બેઝ પ્રાઈસ 1 કરોડ રૂપિયા રાખ્યો હતો.