ઈન્ડિયન ઓઈલ કોર્પોરેશને (IOC)પોતાના ગ્રાહકોને માટે નવા સિલિન્ડર રજૂ કર્યા છે. આ સ્માર્ટ કિચનને ધ્યાનમાં રાખીને બનાવાયા છે. તેને Composite Cylinder કહેવાય છે. તો જાણો શું છે તેની ખાસિયત.
આવી ગયા IOCના નવા સ્માર્ટ LPG સિલિન્ડર
વજનમાં હલકા હોવાની સાથે ગેસ લેવલ પણ જોઈ શકાશે
જૂના સિલિન્ડરની સાથે આ રીતે કરાવી શકો છો રિપ્લેસ
Indaneના Smart સિલિન્ડર
ઈન્ડેન કંપોઝિટ સિલિન્ડર સાધારણ સિલિન્ડરથી વધારે મજબૂત અને સુરક્ષિત રહે છે. તેને 3 ભાગમાં તૈયાર કરાયા છે. એક બ્લો મોલ્ડ હાઈ ડેન્સિટી પોલિઈથાઈલીન ઈનર લાઈનરથી બનેલો હોય છે. જે પોલીમર લિપટે ફાઈબર ગ્લાસની એક લેયરથી ઢંકાયેલો હોય છે અને બહાર HDPE જેકેટમાં ફિટ હોય છે.
શું છે આ સિલિન્ડરની ખાસિયત
વજનમાં હલકા અને રંગીન એલપીજી ગેસ સિલિન્ડર તમને જૂના બાટલાથી રાહત આપશે. આ સાતે તે જૂના સિલિન્ડરી સરખામણીએ ફાઈબરથી બન્યા હોવાના કારણે 50 ટકા હલકા રહેશે. આ સાથે તેની ખાસ ડિઝાઈન તેને આકર્ષક પણ બનાવશે. આ સિલિન્ડરમાં કાટ લાગવાની સમસ્યા પણ રહેશે નહીં.
ક્યાં મળી રહ્યા છે સિલિન્ડર
હાલમાં તો આ સિલિન્ડર ફક્ત દિલ્હી અને હૈદરાબાદમાં મળી રહ્યા છે. તમે આ સિલિન્ડર મેળવવા ઈચ્છો છો તો તમે નજીકના ઈન્ડેન વિતરકનો સંપર્ક કરી શકો છો અને તેને માટેની જાણકારી લઈ શકો છો.
સિલિન્ડરમાં જોઈ શકાશે કે કેટલો ગેસ બચ્યો છે
ફાઈબરથી બનેલા કંપોઝિટ સિલિન્ડરમાં વધારેમાં વધારે 10 કિલો ગેસ આવશે. સિલિન્ડરનો કેટલોક ભાગ પારદર્શી હશે જેનાથી તમે કેટલો ગેસ બચ્યો છે તે પણ જોઈ શકશો. સાથે જ ગેસ સિલિન્ડરની ખરીદી સમયે પણ ગેસ પૂરો છે કે નહીં તે તપાસી શકશો. કંપોઝિટ ગેસ સિલિન્ડર 5 અને 10 કિલોના વજનમાં મળશે. જો તમે ઘરમાં વધારે ગેસ સિલિન્ડરનો ઉપયોગ કરી રહ્યા નથી તો તમે 10 કિલોના કે પછી 5 કિલોના ગેસ સિલિન્ડરને ખરીદી શકો છો.
Composite Cylinder શા માટે છે સ્માર્ટ
સામાન્ય સિલિન્ડર કરતા વજનમાં હલકા હોય છે
સ્ટીલના સિલિન્ડર કરતા અડધા વજનના હોય છે
તેમાંથી કેટલાક પારદર્શી છે જેમાં તમે ગેસ જોઈ શકો છો.
તેમાં કાટ લાગતો નથી અને ફર્શ પર ડાઘ પડતા નથી.
મોર્ડન કિચનને ધ્યાનમાં રાખીને આ સિલિન્ડર ડિઝાઈન કરાયા છે.
જૂના સિલિન્ડર સાથે કરી શકાશે એક્સચેન્જ
જો તમારે આ નવા સિલિન્ડર જોઈએ છે તો તમે સિક્યોરિટી ડિપોઝિટ જમા કરાવો તે જરૂરી છે. 10 કિલોના સિલિન્ડર માટે 3350 રૂપિયા સિક્યોરિટી ડિપોઝિટ છે અને 5 કિલોના સિલિન્ડર માટે તેની કિંમત 2150 રૂપિયા રખાઈ છે. જો તમે ઈન્ડેનના ગ્રાહક છો તો તમે હાલના સિલિન્ડરને નવા કમ્પોઝિટ સિલિન્ડરની સાથે એક્સચેન્જ કરી શકો છો. સિક્યોરિટી ડિપોઝિટનું અંતર તમારે આપવાનું રહેશે. સામાન્ય સિલિન્ડરની જેમ જ આ કંપોઝિટ સિલિન્ડરની હોમ ડિલિવરી કરાય છે. ઈન્ડેનના ડિસ્ટ્રીબ્યુટર તેને તમારા ઘરે પહોંચાડે છે.