International Men's Day 2019 / દરેક પુરૂષોએ ડાયટમાં સામેલ કરવી જોઈએ આ 15 વસ્તુઓ, નહીં થાય રોગો અને ફિઝિકલી રહેશો ફિટ

• પુરૂષોએ ગંભીર રોગોથી બચવા ડાયટનું રાખવું ધ્યાન
• બદામ ખાવાથી ટેસ્ટોસ્ટેરોન હોર્મોન વધે છે
• ટામેટામાં રહેલું લાઈકોપિન સ્પર્મ કાઉન્ટ વધારે છે

બદામ

બદામ પુરૂષો માટે ખૂબ જ હેલ્ધી માનવામાં આવે છે. બદામ ખાવાથી પુરૂષોમાં ટેસ્ટોસ્ટેરોન હોર્મોન વધે છે. આ સિવાય બદામમાંથી પ્રોટીન, મેગનીઝ અને ઝિંક પણ મળી રહે છે. જેથી પુરૂષોએ રોજ 6-8 બદામ ખાવી જ જોઈએ. 

કાજૂ

કાજૂમાં ભરપૂર પ્રમાણમાં વિટામિન અને મિનરલ્સ હોય છે. કાજૂમાં એમિનો એસિડ આર્જિનિન હોય છે. જે પુરૂષોમાં નાઈટ્રિક ઓક્સાઈડના લેવલને વધારે છે. આ સેક્સ પાવર વધારવા માટે બહુ જ ફાયદાકારક હોય છે. કાજૂ ખાવાથી મસલ્સ પણ મજબૂત થાય છે. 

ટામેટાં

પોટેશિયમ, વિટામિન સી અને ફાયબરથી ભરપૂ6ર ટામેટા પુરૂષોના હાર્ટને દુરસ્ત રાખે છે. આ સિવાય ટામેટામાં રહેલું લાઈકોપિન પુરૂષોના સ્પર્મ કાઉન્ટને 70 ટકા સુધી વધારી દે છે. આને ખાવાથી પુરૂષોમાં પ્રોસ્ટેટ કેન્સરનો ખતરો પણ ઘટે છે. 

કોબીજ

વિટામિન કેથી ભરપૂર અને કોલેસ્ટ્રોલ ફ્રી કોબીજને સલાડ કે શાક તરીકે ડાયટમાં સામેલ કરી શકાય છે. પુરૂષોએ કોબીજને અવશ્ય ડાયટમાં સામેલ કરવી જોઈએ. કોબીજમાં સલ્ફોરેપેન નામનું તત્વ હોય છે. જે કેન્સર સામે રક્ષણ કરે છે. 

સોયાબીન

સોયાબીનમાં પ્રોટીન સારી માત્રામાં હોય છે. તે બોડી મસલ્સ વધારે છે અને સાથે જ પુરૂષોના હાડકાં નબળાં થતાં રોકે છે. તેમાં રહેલું પ્રોટીન ગ્લુકોઝ કંટ્રોલ કરવામાં પણ મદદ કરે છે. તે ડાયાબિટીસના ખતરાને પણ ઓછું કરે છે. 

નારંગી

વિટામિન બી-9થી ભરપૂર નારંગી શરીરમાં બ્લડ સર્ક્યુલેશનને સારું રાખે છે. સાથે જ તેમાં રહેલાં એન્ટીઓક્સીડેન્ટ્સ અને વિટામિન સી પુરૂષોમાં સ્પર્મની ક્વોલિટી સુધારે છે અને હેલ્ધી રાખે છે. 

શક્કરિયા

વિટામિન એથી ભરપૂર શક્કરિયા પુરૂષોની ઈમ્યૂન સિસ્ટમને મજબૂત રાખે છે. સાથે શક્કરિયા સ્ટીમ કરીને અથવા બાફીને ખાવાથી પણ જબરદસ્ત ફાયદા મળે છે. તેમાં ભરપૂર પ્રમાણમાં પોટેશિયમ હોય છે. જે પુરૂષોને બ્લડપ્રેશર અને હાર્ટ સંબંધી સમસ્યાઓથી બચાવે છે. 

સૂર્યમુખીના બીજ

સૂર્યમુખીના બીજ જો પુરૂષો ડાયટમાં સામેલ કરે તો તેમાંથી સારાં પ્રમાણમાં વિટામિન ઈ મળી રહે છે. સાથે જ તે એન્ટીઓક્સીડેન્ટનો પણ બેસ્ટ સોર્સ છે. તેમાં ફાઈટોસ્ટોરોલસ હોય છે. જે શરીરમાં સારાં બેક્ટેરિયાની માત્રા વધારે છે. 

તરબૂજ

તરબૂજમાં પોટેશિયમ ભરપૂર માત્રામાં હોય છે. સાથે જ તરબૂજ ખાવાથી પુરૂષોના શરીરને એનર્જી મળે છે. તેમાં લાઈકોપિન હોવાથી તે પુરૂષોને કેન્સરથી પણ બચાવે છે. જેથી તરબૂજની સીઝનમાં પુરૂષોએ રોજ તરબૂજ ખાવું જોઈએ. 

કાબુલી ચણા

કાબુલી ચણામાં સારા પ્રમાણમાં ફાઈબર હોય છે. જે પુરૂષોને પાચન સંબંધી સમસ્યાઓથી બચાવે છે. આ વિટામિન બી6નો સારો સોર્સ છે. રોજ શેકેલા અથવા બાફેલા ચણા ખાવાથી વજન પણ કંટ્રોલમાં રહે છે. 

કીવી 

કીવીમાં ભરપૂર પ્રમાણમાં વિટામિન સી હોય છે અને તે તણાવથી બચાવે છે અને સાથે જ તે શરીરમાં બ્લડ ફ્લોને ઠીક રાખે છે. કીવીમાં ભરપૂર પ્રમાણમાં એન્ટીઓક્સીડેન્ટ હોય અને ફાયબરનો પણ સારો સોર્સ છે. કીવી ખાવાથી પાચનક્રિયાનો બેસ્ટ સોર્સ છે. 

વિવિધ દાળો

પુરૂષોએ ડાયટમાં રોજ અલગ-અલગ દાળ ખાવી જોઈએ. દાળોમાં સારી માત્રામાં કાર્બ્સ અને પ્રોટીન હોય છે. જે શરીરને હેલ્ધી રાખે છે.

બ્રોકલી

વિટામિન સીથી ભરપૂર બ્રોકલી પુરૂષોની ઈમ્યૂન સિસ્ટમને મજબૂત રાખવામાં મદદ કરે છે. બ્રોકલીમાં ઘણાં પ્રકારના પોષક તત્વો હોય છે. તેમાં વિટામિન પણ હોય છે. જે પુરૂષોમાં સ્પર્મ ક્વોલિટી સારી રાખે છે. 

નારિયેળ

લોરિક એસિડથી ભરપૂર નારિયેળથી શરીરમાં ગુડ કોલેસ્ટ્રોલની માત્રા વધારે છે. નારિયેળ શરીરમાં ઘણી બીમારીઓને દૂર રાખે છે. નારિયેળમાં ભરપૂર પ્રમાણમાં પોટેશિયમ હોય છે. જે બ્લડપ્રેશરને નિયંત્રણમાં રાખે છે. 

ઓલિવ ઓઈલ

પુરૂષોએ ડાયટમાં ઓલિવ ઓઈલ પણ સામેલ કરવું જોઈએ. તેમાં મોનોસેચુરેટેડ ફેટ્સ હોય છે અને આ એકદમ લાઈટ ઓઈલ હોય છે. આ હાર્ટ બીમારીઓને પણ દૂર કરવામાં મદદ કરે છે.