મહામારી / BIG BREAKING : આ તારીખથી ભારતે ઈન્ટરનેશનલ ફ્લાઈટ શરૂ કરવાનો લીધો નિર્ણય, દુનિયાના દેશો કરી રહ્યાં છે બંધ

• વિદેશ જવા ઈચ્છુક પ્રવાસીઓ માટે ખુશખબર
• 5 ડિસેમ્બરથી આંતરરાષ્ટ્રીય ફ્લાઈટ શરુ થશે
• ભારત સરકારની જાહેરાત
• નવા વેરિયન્ટને કારણે દુનિયામાં ટ્રાવેલ બેન ત્યારે ભારત શરુ કરી રહી છે ફ્લાઈટ 

ઘણા લાંબા સમયની પ્રતિક્ષા બાદ ફરી એક વાર નિયમિત આંતરરાષ્ટ્રીય ફ્લાઈટ જલદીથી શરુ થઈ જવા રહી છે.  ભારત સરકારે 15 ડિસેમ્બરથી રેગ્યુલર ઈન્ટરનેશનલ ફ્લાઈટ શરુ કરવાની વિધિસરની જાહેરાત કરી છે. ભારત સરકારની આ જાહેરાત એવે સમયે થઈ છે કે જ્યારે આફ્રિકી વેરિયન્ટને કારણે ઘણા બધા દેશો આંતરરાષ્ટ્રીય ફ્લાઈટ પર પ્રતિબંધ મૂકી રહ્યાં છે. કોરોના મહામારીને કારણે માર્ચ 2020 થી ઈન્ટરનેશનલ ફ્લાઈટ બંધ કરવામાં આવી હતી ત્યાર બાદ અમુક દેશોની ફ્લાઈટ ચાલુ કરવાની મંજૂરી આપી હતી પરંતુ હવે રેગ્યુલર ઈન્ટરનેશનલ ફ્લાઈટ શરુ કરવાની સરકારે મંજૂરી આપી દીધી હોવાથી 15 ડિસેમ્બરથી ઈન્ટરનેશનલ ફ્લાઈટ ઉડાણ ભરી શકશે. 

Resumption of scheduled commercial international passenger services to/from India may be resumed from 15th December 2021: MoCA

Based on the countries recognised as "at-risk" by MoHFW, the countries have been categorised into 3 categories with separate capacity restrictions: MoCA pic.twitter.com/nHZ5i1GPKY

— ANI (@ANI) November 26, 2021

જોકે જે દેશોમાં કોરોના સંક્રમણ હજુ પણ ફેલાયેલું છે ત્યાં ફ્લાઈટ પરનો પ્રતિબંધ ચાલુ રાખવાની પણ જાહેરાત કરવામાં આવી છે. બુધવારે નાગરિક ઉડ્ડયન મંત્રાલયે ઈન્ટરનેશનલ ફ્લાઈટ અંગે એક મોટી જાહેરાત કરી હતી. 

 14 દેશો પર હજુ પણ ફ્લાઈટ પ્રતિબંધ રહેશે

સૂત્રોએ જણાવ્યું હતું કે 14 દેશો પર હજુ પણ ફ્લાઈટ પ્રતિબંધ રહેશે. આ દેશોમાં કોરોના સંક્રમણ ફેલાઈ રહ્યું છે. સરકારે પહેલેથી જ કહ્યું છે કે કોવિડને કારણે ફ્લાઇટ્સ (આંતરરાષ્ટ્રીય ફ્લાઇટ ન્યૂઝ) પરનો પ્રતિબંધ આ વર્ષના અંત સુધીમાં હટાવી લેવામાં આવશે.નાગરિક ઉડ્ડયન મંત્રાલયે જણાવ્યું હતું કે આંતરરાષ્ટ્રીય ફ્લાઇટ્સ શરૂ કરતા પહેલા વિવિધ દેશોમાં કોરોના જોખમના આધારે ત્રણ કેટેગરી બનાવવામાં આવશે. મંત્રાલયના જણાવ્યા અનુસાર આ કેટેગરીમાં આવરી લેવામાં આવેલા દેશો માટે અલગ કોવિડ પ્રતિબંધો લાદવામાં આવશે.

માર્ચ ૨૦૨૦ થી બંધ પડેલી ઈન્ટરનેશનલ ફ્લાઈટ ફરી શરુ થશે 
 કોરોના મહામારીને કારણે માર્ચ ૨૦૨૦ થી સરકારે ઈન્ટરનેશનલ ફ્લાઈટ બંધ કરી દીધી હતી પરંતુ હવે કોરોનાની સ્થિતિ કાબુમાં હોવાથી અને બીજી લહેર લગભગ પૂરી થઈ ગઈ હોવાથી સરકારે ઈન્ટરનેશનલ ફ્લાઈટ ફરી શરુ કરવાનો નિર્ણય લીધો છે. પરંતુ બીજી બાજુ સાઉથ આફ્રિકામાંથી  ફેલાયેલા  કોરોનાના નવા વેરિયન્ટને કારણે દુનિયાના દેશો ઈન્ટરનેશનલ ફ્લાઈટ પર પ્રતિબંધ મૂકી રહ્યાં છે.

સાઉથ આફ્રિકામાંથી ફેલાયો કોરોનાના નવો વેરિયન્ટ, બ્રિટન, ફ્રાન્સ, ઈઝરાયલે ઈન્ટરનેશનલ ફ્લાઈટ અટકાવી 

અત્યાર સુધી બ્રિટન, ફ્રાન્સ, ઈઝરાયલ, અમેરિકા, ચીન સહિતના દેશોએ આફ્રિકી દેશોમાંથી આવતી ફ્લાઈટ પર પ્રતિબંધ મૂકી દીધો છે. દરમિયાન, પર્યટન ઉદ્યોગ પર સરકાર પર ફ્લાઇટ્સ પરનો પ્રતિબંધ હટાવવાનું દબાણ છે. પર્યટન ઉદ્યોગે એવા દેશોમાં ફ્લાઇટ્સ શરૂ કરવાની વિનંતી કરી છે જ્યાં કોરોના નિયંત્રણમાં છે.