શું વાત છે! / રોહિત-રાહુલની જગ્યાએ આ વિસ્ફોટક જોડી કરશે ટીમ ઈન્ડિયા માટે ઓપનિંગ! ગુજરાત ટાઈટન્સમાં કર્યો હતો કમાલ

• ન્યૂઝીલેન્ડ ટુરમાં બીજા બે સ્ટાર ખેલાડી ઓપનિંગ કરતા જોવા મળી શકે છે
• ખરાબ ફોર્મમાં ચાલી રહ્યા છે રોહિત-રાહુલ
• મોટી મેચોમાં રોહિત-રાહુલ હંમેશા ફ્લોપ થતાં આવ્યા

ટીમ ઈન્ડિયાની હાલની ઓપનિંગ જોડી એટલે કે રોહિત શર્મા અને કેએલ રાહુલએ ઘણી મેચો પોતાના દમ પર જીતી છે પણ ટી20 વર્લ્ડ કપ 2022માં આ ઓપનિંગ જોડી ખરાબ રીતે ફ્લોપ રહી હતી. ટી20 વર્લ્ડ કપ 2022ના સેમીફાઈનલમાં ટીમ ઈન્ડિયાની કારમી હાર પછીથી ટીમ ઈન્ડિયામાંથી રોહિત શર્મા અને કેએલ રાહુલને બહાર કરવાની માંગ ઉઠી રહી હતી. આ સાથે જ જણાવી દઈએ કે રોહિત શર્મા અને કેએલ રાહુલને ન્યૂઝીલેન્ડ પ્રવાસ માટે આરામ આપવામાં આવ્યો છે અને આ ન્યૂઝીલેન્ડ ટુરમાં આ બંનેની જગ્યાએ બીજા બે સ્ટાર ખેલાડી ઓપનિંગ કરતા જોવા મળી શકે છે. કોણ હશે એ બે ખેલાડી? એ વિશે જણાવવા જઈ રહ્યા છીએ. 

ખરાબ ફોર્મમાં ચાલી રહેલા રોહિત-રાહુલ
હાલ મેચમાં દેખાઈ રહ્યું છે કે રોહિત શર્મા અને કેએલ રાહુલ ખૂબ જ ખરાબ ફોર્મમાં ચાલી રહ્યા છે. જો કે બંને એ અગાઉ ઘણી મેચમાં સારું પ્રદર્શન કર્યું હતું પણ છેલ્લા થોડા સમયથી બંને સારું નથી રમી રહ્યા અને મોટી મેચોમાં બંને ખેલાડીઓ હંમેશા ફ્લોપ થતાં આવ્યા છે. જણાવી દઈએ કે ટી20 વર્લ્ડ કપ 2022ના સેમીફાઈનલમાં ઈંગ્લેન્ડ સામે જ્યાં રોહિત શર્માએ 27 રન બનાવ્યા હતા અને કેએલ રાહુલે માત્ર 6 રનનું યોગદાન આપ્યું હતું. 

આ ખેલાડીને આપવામાં આવશે મોકો 
જ્યારે જ્યારે રોહિત શર્માને ટીમ ઈન્ડિયામાંથી આરામ આપવામાં આવ્યો છે ત્યારે શુભમન ગિલને એમની જગ્યા પર ઓપનિંગ કરવાની તક મળી છે. ટીમ સિલેક્ટર્સ હંમેશા તેના પર વિશ્વાસ વ્યક્ત કર્યો છે અને એમનો એ વિશ્વાસ સાચો પણ સાબિત થયો છે. જણાવી દઈએ કે શુભમન ગિલની ક્લાસિક બેટિંગના દરેક લોકો દિવાના છે. 23 વર્ષનો આ ખેલાડી મોટી અને સારી ઇનિંગ્સ રમવા માટે જાણીતો છે. આ સાથે જ IPL 2022માં શુભમન ગિલ એ ગુજરાત ટાઇટન્સને પોતાના દમ પર ખિતાબ અપાવ્યો હતો. અત્યાર સુધી ગિલે ભારત માટે 11 T20 મેચોમાં 579 રન અને 12 ODIમાં 579 રન બનાવ્યા છે. 

ઓપનિંગ જોડીનો બીજો ખેલાડી આ હશે 
છેલ્લા કેટલાક સમયથી પોતાની બેટિંગથી બધાને પ્રભાવિત કરનાર ઈશાન કિશનને હાલ ઓપનિંગ જોડીમાં સિલેક્ટર્સ સામેલ કરી શકે છે. જો આ ટુરમાં તે શુભમન ગિલ સાથે ઓપનિંગ કરશે તો લેફ્ટ-રાઈટ કોમ્બિનેશન જોવા મળશે અને એ તેના કારણે વિપક્ષી બોલરોને બોલિંગ કરતી વખતે મુશ્કેલીનો સામનો કરવો પડી શકે છે. જણાવી દઈએ કે સિલેક્ટર્સ દ્વારા ન્યૂઝીલેન્ડ સામેની ટીમ ઈન્ડિયામાં ઈશાન કિશનને જગ્યા આપવામાં આવી છે. અત્યાર સુધી ઇશાન કિશને ભારતીય ટીમ માટે 9 વનડેમાં 267 રન, 19 ટી20 મેચમાં 545 રન બનાવ્યા છે.

ન્યુઝીલેન્ડ સામે ટી20 સીરીઝ માટે ભારતીય ટીમ
હાર્દિક પંડ્યા (કેપ્ટન), રિષભ પંત (વાઈસ કેપ્ટન), ઈશાન કિશન, દીપક હુડ્ડા, સૂર્ય કુમાર યાદવ, શ્રેયસ ઐયર, સંજૂ સેમસન, વોશિંગ્ટન સુંદર, યુઝવેન્દ્ર ચહલ, કુલદીપ યાદવ, હર્ષલ પટેલ, મોહમ્મદ સિરાજ, ભુવનેશ્વર કુમાર, ઉમરાન મલિક અને અર્શદીપ સિંહ.

ન્યુઝીલેન્ડ સામે વન-ડે સીરીઝ માટે ભારતીય ટીમ
શિખર ધવન (કેપ્ટન), રિષભ પંત (વાઈસ કેપ્ટન), શુભમન ગિલ, દીપક હુડ્ડા, સૂર્ય કુમાર યાદવ, શ્રેયસ ઐયર, સંજૂ સેમસન, યુઝવેન્દ્ર ચહલ, કુલદીપ યાદવ, શાહબાજ અહમદ, વોશિંગ્ટન સુંદર, ઉમરાન મલિક, કુલદીપ સેન, શાર્દૂલ ઠાકુર, દીપક ચાહર અને અર્શદીપ સિંહ.