ઈન્સ્ટાગ્રામ ડાઉન થયા યુઝર્સે શેર કર્યા જોરદાર મીમ્સ
દુનિયાભરમાં ઠપ થયુ ઈન્સ્ટાગ્રામ
એન્ડ્રોયડ iOS બન્ને યુઝર્સને થઈ તકલીફ
યુઝર્સે શેર કર્યા મીમ્સ
ભારત અને દુનિયાના અમુક ભાગમાં ગુરુવારે ઈન્સ્ટાગ્રામની સર્વિસ ડાઉન રહી હતી. અમુક યુઝર્સ સમસ્યાઓનો સામનો કરી રહ્યા હતા. જોકે આઉટેજ મુદ્દાના પહેલી વખત સામે આવ્યા બાદ લગભગ બે કલાક બાદ ઈન્સ્ટાગ્રામ ફરી ઠીક થઈ ગયું હતું. બપોરે 2.10 વાગ્યે ઈન્સ્ટાગ્રામને એન્ડ્રોયડ અને આઈઓએસ બન્ને પ્લેટફોર્મ પર સર્વિસ ફરી શરૂ કરી દીધી. જેનાથી યુઝર ફોટો ફીડ સુધી પહોંચી શકે છે અને ડાયરેક્ટ મેસેજ મોકલી શકે છે. ઈન્સ્ટાગ્રામ લાઈવ અને ઈન્સ્ટાગ્રામ રીલ્સ પણ ઠીક ચાલી રહ્યા છે.
ઈન્સાગ્રામ વોટ્સએપ અને ફેસબુકની સાથે પોતાનું સર્વર શેર કરે છે. બન્ને એપ સારી રીતે કામ કરી રહી છે. એવું લાગી રહ્યું છે કે સમસ્યા ફક્ત Instagramમાં છે. ઘણા Instagram યુઝર્સ પોતાના એન્ડ્રેયડ અને iOS ડિવાઈઝ પર એપ લોડ ન થવાની ફરીયાદ કરી રહ્યા છે. અમુક લોકોને તો ડેસ્કટોપ વર્ઝન પણ સરખી રીતે ઓપન નથી થઈ રહ્યું.
એક રિપોર્ટ અનુસાર ઈન્સ્ટાગ્રામ 2 સપ્ટેમ્બર, 2021ની સવારે 11: 02 વાગ્યાથી ભારતમાં મુશ્કેલીઓનો સામનો કરી રહ્યું છે. લગભગ 45 ટરા ઈન્સ્ટાગ્રામ યુઝર્સને એપ વિશે ફરીયાદ હતી જ્યારે 33 ટકા યુઝર્સને ઈન્સ્ટાગ્રામ વેબસાઈટ પર સમસ્યાઓનો સામનો કરવો પડ્યો. બાકીના 22 ટકા યુઝર્સનો દાવો છે કે તે સર્વર કનેક્શનના મુદ્દા પર ધ્યાન આપી રહ્યા હતા. લગભગ 1,000થી વધુ યુઝર્સે વેબસાઈટ પર આ મુદ્દે સુચના આપી હતી.
ભારત આઉટેઝથી સૌથી વધુ પ્રભાવિત થયા યુઝર્સ
યુઝર્સના રીપોર્ટ અનુસાર તે દિલ્હી, મુંબઈ, બેંગ્લોર અને ચેન્નાઈ જેવા શહેરોમાં ઈન્સ્ટાગ્રામનો ઉપયોગ કરવામાં સક્ષમ ન હતા. ફેસબુકે અત્યાર સુધી આઉટેઝ પર ધ્યાન નથી આપ્યું.
આઉટેજના પાછળની સમસ્યા હજુ સ્પષ્ટ નથી થઈ અને તે ફેસબુક મામલાની તપાસ બાદ જણાવવામાં આવશે. જોકે એવુ માનવામાં આવી રહ્યું છે કે આઉટેજના પ્લેટફોર્મ પર ઘણી સર્વિસને પ્રભાવિત કરે છે. ઈન્સ્ટાગ્રામ યુઝર્સના જણાવ્યા અનુસાર, ફીડ રિફ્રેશ ન હતી થઈ રહી. ડાયરેક્ટ મેસેજ કામ ન હતા કરી રહ્યા અને જ્યારે કોઈ અન્ય એક્સેસ કરવાનો પ્રયત્ન કરી રહ્યું હતું તો પ્રોફાઈલ એક એરર બતાવી રહ્યું હતું. શરૂમાં લોકોને લાગ્યું કે તેમના ઈન્ટરનેટમાં સમસ્યા છે પરંતુ લોકોએ અમુક સમય બાદ રિપોર્ટ કરવાનું શરૂ કર્યું હતું.
ઈન્સ્ટાગ્રામ યુઝર્સે તેના વિશે ટ્વીટ કરવાનું શરૂ કરી દીધુ હતુ અને સાથે જ મીમ પણ શેર કર્યા હતા.