ભારત સરકારે યુક્રેનની રાજધાની કીવ સ્થિત ભારતીય દૂતાવાસને બંધ કરી દેવાની જાહેરાત કરી છે.
ભારતે કીવનું ભારતીય દૂતાવાસ કર્યું બંધ
હંગામી ધોરણે પોલેન્ડમાં કર્યું શિફ્ટ
ભારતીય વિદેશ મંત્રાલયે કરી જાહેરાત
યુક્રેન રશિયા યુદ્ધની વચ્ચે ભારતે એક મોટો નિર્ણય લીધો છે.યુક્રેનમાં રશિયા હુમલા વધતા હવે હાલત ખરાબ થઈ છે. રશિયાએ પશ્ચિમ વિસ્તારોમાં મોટાપાયે હુમલાઓ શરુ કરી દેતા ભારત ચિંતાતુર છે. ભારતે કીવમાં આવેલું ભારતીય દૂતાવાસ બંધ કરીને તેને પોલેન્ડ ખસેડવાનો નિર્ણય કર્યો છે.
In view of rapidly deteriorating security situation in Ukraine,including attacks in western parts of the country, it has been decided that the Indian Embassy in Ukraine will be temporarily relocated in Poland. The situation will be reassessed in light of further developments: MEA pic.twitter.com/4u3WcsM6jJ
ભારતીય વિદેશ મંત્રાલય દ્વારા જારી નિવેદનમાં કહેવાયું કે યુક્રેનના બગડતી જતી સુરક્ષા સ્થિતિને ધ્યાનમાં રાખતા આ નિર્ણય લેવાયો છે. તેમણે કહ્યું કે યુક્રેનમાં ઝડપથી બગડી રહેલી સ્થિતિ જોતા, દેશના પશ્ચિમી હિસ્સામાં હુમલાને જોતા યુક્રેનમાં ભારતીય દૂતાવાસને હંગામી ધોરણે બંધ કરીને પોલેન્ડ શિફ્ટ કરાયું છે.
પશ્ચિમ વિસ્તારમાં હાલત ખરાબ, રશિયાએ આજે કર્યાં મોટા હુમલા, 9 લોકોના મોત
યુક્રેનમાં યુદ્ધની સ્થિતિ સતત કથળી રહી છે. યુક્રેનના પશ્ચિમી વિસ્તાર પર પણ સતત હુમલા થઈ રહ્યા છે. પશ્ચિમ યુક્રેનમાં લશ્કરી તાલીમ મથક પર રશિયન હવાઈ હુમલામાં ઓછામાં ઓછા નવ લોકો માર્યા ગયા હતા. જ્યારે અન્ય 57 ઘાયલ થયા હતા. રશિયાના આ હુમલાની સાથે જ આ યુદ્ધ પોલેન્ડ બોર્ડરની નજીક પહોંચી ગયું છે. આ પહેલા રશિયાના એક વરિષ્ઠ રાજદ્વારીએ ચેતવણી આપી હતી કે મોસ્કો વિદેશથી યુક્રેન સુધીના સૈન્ય ઉપકરણોને નિશાન બનાવશે.
રશિયાએ યાવોરિવ સૈન્ય મથક પર 30 ક્રુઝ મિસાઇલો છોડી
લુવ પ્રાંતના ગવર્નર મકસિમ કોજીતસ્કાઇએ જણાવ્યું હતું કે રશિયન દળોએ લુવ શહેરથી 30 કિલોમીટર ઉત્તર-પશ્ચિમમાં આવેલા યાવોરિવ સૈન્ય મથક પર ઓછામાં ઓછી 30 ક્રુઝ મિસાઇલો છોડી હતી. આ સૈન્ય મથક પોલેન્ડની સરહદથી 35 કિલોમીટર દૂર યુક્રેનના વિસ્તારમાં આવેલું છે. અધિકારીઓનું કહેવું છે કે રશિયન સૈનિકોએ પશ્ચિમી યુક્રેનિયન શહેર ઇવાનો-ફ્રાન્સ્કિસ્કના એરપોર્ટ પર પણ ગોળીબાર કર્યો છે. મેયર રુસ્લાન માર્ટસિન્કવીએ કહ્યું કે, આ પ્રકારના હુમલા કરીને રશિયા ભય અને અરાજકતા પેદા કરવા માગે છે.