અંતરિક્ષ / સૌથી ભારેખમ રોકેટ એકીસાથે 36 સેટલાઈટને લઈને ઉપડશે આકાશી સફરે, કાળી ચૌદશે ઈસરો રચશે ઈતિહાસ

• કાળી ચૌદશનો દિવસ ભારત માટે ખાસ
• ઈસરો એકીસાથે લોન્ચ કરશે 36 સેટેલાઈટ 
• શ્રીહરિકોટ સ્પેસ સેન્ટરમાંથી સૌથી ભારે રોકેટ દ્વારા છોડશે સેટેલાઈટ 

આવતીકાલના કાળી ચૌદશના દિવસે ઈસરો એક મોટી કમાલ કરી રહ્યું છે. ઈસરો આંધ્રના શ્રીહરિકોટા સ્થિત સતિશ ધવન સ્પેસ સેન્ટર ખાતેથી એકીસાથે 36 રોકેટ અવકાશમાં છોડશે. ઈસરોનું અત્યાર સુધીનું સૌથી ભારેખમ રોકેટ આ 36 સેટેલાઈટને અવકાશમાં તરતા મૂકશે. 

Andhra Pradesh | Indian Space Research Organisation (ISRO) will launch 36 satellites in its heaviest rocket at 12:07 am, 23 October from Satish Dhawan Space Centre in Sriharikota pic.twitter.com/UazfMFlSB7

— ANI (@ANI) October 22, 2022

રવિવારે સવારે સાત વાગ્યે શરુ થશે મિશન 
ઈન્ડિયન સ્પેસ રિસર્ચ ઓર્ગેનાઈઝેશન (ઈસરો) પોતાના સૌથી વજનદાર રોકેટ 'એલવીએમ3-એમ2' પર 36 બ્રોડબેન્ડ કોમ્યુનિકેશન સેટેલાઈટનું પહેલું કોમર્શિયલ લોન્ચ કરવાની તૈયારીમાં છે, જેનું કાઉન્ટડાઉન શનિવારે આંધ્રપ્રદેશના શ્રીહરિકોટાના સતીશ ધવન સ્પેસ સેન્ટરમાં શરૂ થયું હતું. લગભગ 43.5 મીટર લાંબા આ રોકેટનું લોન્ચિંગ રવિવારે સવારે 12.07 વાગ્યે થવાનું છે. તેને 8,000 કિલોગ્રામ સુધીના ઉપગ્રહોને લઈ જવાની ક્ષમતા ધરાવતા સૌથી ભારે ઉપગ્રહોમાંના એક તરીકે ઓળખવામાં આવે છે.

ISRO's rocket LVM3 will carry 36 satellites of a private communications firm OneWeb. A 24-hour countdown to the launch has started. Another set of 36 OneWeb satellites will be launched by the LVM3 in the first half of next year: Scientist S Somanath, Chairman, ISRO pic.twitter.com/fnBTN33hqA

— ANI (@ANI) October 22, 2022

વનવેબ 36 સેટેલાઇટ અવકાશમાં ફરતા થશે 
ઇસરોએ જણાવ્યું હતું કે, રવિવારનું પ્રક્ષેપણ મહત્વનું છે કારણ કે એલવીએમ 3-એમ 2 મિશન ઇસરોની વાણિજ્યિક શાખા - ન્યૂસ્પેસ ઇન્ડિયા લિમિટેડ માટે પ્રથમ સમર્પિત વ્યાપારી મિશન છે. આ મિશન ન્યૂસ્પેસ ઇન્ડિયા લિમિટેડ અને યુકે સ્થિત નેટવર્ક એક્સેસ એસોસિએટ્સ લિમિટેડ (વનવેબ લિમિટેડ) વચ્ચે વ્યાવસાયિક વ્યવસ્થાના ભાગરૂપે ચલાવવામાં આવી રહ્યું છે. સ્પેસ એજન્સીના જણાવ્યા અનુસાર આ મિશન હેઠળ વનવેબ 36 સેટેલાઇટને લઇ જશે, જે 5,796 કિલોગ્રામ સુધીના 'પેલોડ' સાથે જનાર પ્રથમ ભારતીય રોકેટ બનશે.