- જ્યોતિર્લિંગના દર્શનની સાથે સાઇબાબા અને શનિદેવના પણ થશે દર્શન
- 11 રાતની રહેશે આ યાત્રા
- સ્પેશિયલ ટ્રેન માટે છે આ 3 પેકેજ
Indian Railways: ઇન્ડિયન રેલવે કેટરિંગ એન્ડ ટુરિઝમ(IRCTC)એ જ્યોતિર્લિંગના દર્શ માટે ભારત ગૌરવ સ્પેશિયલ ટૂરિસ્ટ ટ્રેન ચલાવવાની ઘોષણા કરી છે. આ ભારત ગૌરવ સ્પેશિયલ પર્યટક ટ્રેન ક્લકત્તાથી 20 મેના રોજ પ્રસ્થાન કરશે અને 5 જ્યોતિર્લિંગો- ઓમકારેશ્વર, મહાકાલેશ્વર, સોમનાથ, નાગેશ્વર અને ત્ર્યંબકેશ્વરની સાથે સાથે સ્ટેચ્યુ ઓફ યુનિટી, શિરડી સાઇબાબા અને શનિ શિંગણાપુરને કવર કરશે. આ ટ્રેન કલકત્તાથી આધ્યાત્મિક યાત્રા શરુ કરશે અને 11 રાતની આ યાત્રા રહેશે.
આ રેલ્વે સ્ટેશનો પરથી મળશે બોર્ડિંગ અને ડિબોર્ડિંગની સુવિધા
ભારત ગૌરવ પર્યટન સ્પેશિયલ ટ્રેનમાં યાત્રીઓએ માટે બંદેલ, બર્ધમાન, બોલપુર, શાંતિનિકેતન, રામપુર હાટ, પાકુડ, સાહિબગંજ, કહલગાંવ, ભાગલપુર, જમાલપુર, કીલ, બરૌની, સમસ્તીપુર, મુઝફ્ફરપુર, હાજીપુર, પાટલીપુત્ર, આરા, બક્સર, પંડિત દીનદયાળ ઉપાધ્યાય જંકશન અને પ્રયાગરાજ છિવકી સ્ટેશનો પર બોર્ડિંગ અને ડીબોર્ડિંગ સુવિધાઓ ઉપલબ્ધ રહેશે. ઉપરાંત આ ટ્રેનમાં યાત્રા કરનારા યાત્રીકોએ પૂર્વ મધ્ય રેલ્વે ઝોનના કીલ, બરૌની, સમસ્તીપુર, મુઝફ્ફરપુર, હાજીપુર, પાટલીપુત્ર, આરા, બક્સર અને પંડિત દીન દયાલ ઉપાધ્યાય રેલ્વે સ્ટેશનો પર પણ બોર્ડિંગ અને ડિબોર્ડિંગની સુવિધા પણ ઉપલબ્ધ રહેશે.
સ્પેશિયલ ટ્રેન માટે છે આ 3 પેકેજ
1. ઇકોનોમી ક્લાસ (સ્લિપર ક્લાસ)- આ પેકેજમાં 315 બર્થ ઉપલબ્ધ છે અને વ્યક્તિદીઠ ભાડુ 20,060 રુપિયા હશે. આ પેકેજમાં યાત્રીને નોન એસી હોટલમાં રહેવાની વ્યવસ્થા મળશે અને નોન એસી બસની સુવિધા આપવામાં આવશે.
2. સ્ટેન્ડર્ડ(થર્ડ ક્લાસ એસી)- આ પેકેજમાં 297 બર્થ ઉપલબ્ધ છે અને વ્યક્તિદીઠ ભાડુ 31,800 રુપિયા હશે. આ પેકેજમાં યાત્રીને એસી હોટલમાં રહેવાની વ્યવસ્થા મળશે અને નોન એસી બસની સુવિધા આપવામાં આવશે.
3. કમફર્ટ (સેકન્ડ ક્લાસ એસી)- આ પેકેજમાં 44 બર્થ ઉપલબ્ધ છે અને વ્યક્તિદીઠ ભાડુ 41,600 રુપિયા હશે. આ પેકેજમાં યાત્રીને એસી હોટલમાં રહેવાની વ્યવસ્થા મળશે અને એસી બસની સુવિધા આપવામાં આવશે.
ટુરિસ્ટ ટ્રેનના દરેક ક્લાસમાં મળશે શાકાહારી ભોજન
રેલ્વે દ્વારા આપવામાં આવેલી જાણકારી અનુસાર જ્યોર્તિલિંગના દર્શન માટે ચલાવવામાં આવનારી આ ભારત ગૌરવ ટુરિસ્ટ ટ્રેનમાં ત્રણ ક્લાસના શ્રદ્ધાળુઓને શાકાહારી ભોજન કરાવવામાં આવશે. આ ભારત ગૌરવ પર્યટન ટ્રેનથી જોડાયેલી વધારે જાણકારી માટે હેલ્પલાઇન નંબર - 8595904074, 8595904077 પર કોલ કરી શકો છો અથવા આઇઆરસીટીસીની વેબસાઇટ પર જઇ શકો છો.
