રેલવે / ઈટાવામાં મોટી દુર્ઘટના: નવી દિલ્હી-દરભંગા એક્સપ્રેસમાં લાગી ભીષણ આગ, મુસાફરોએ બારીમાંથી કૂદીને બચાવ્યો જીવ

• રેલવમાં દૂર્ઘટનાઓનો સિલસિલો યથાવત
• નવી દિલ્હીમાં 02570 નંબરની એક્સપ્રેસ ટ્રેનમાં લાગી આગ
• ટ્રેનમાં ક્ષમતાથી વધુ લોકો સવાર હતા

ભારતીય રેલવમાં દૂર્ઘટનાઓનો સિલસિલો યથાવત જોવા મળી રહ્યો છે. નવી દિલ્હીમાં 02570 નંબરની એક્સપ્રેસ ટ્રેનમાં ભીષણ આગ લાગવાની ઘટના સામે આવી છે. આ ઘટના ઈટાવાથી સરાય ભૂપત રેલવે સ્ટેશન પાસે થઈ હોવાની વિગતો સામે આવી છે. પાપ્ત જાણકારી મુજબ આ એક્સપ્રેસ ટ્રેનમાં ભીષણ આગ લાગી હતી. જેમાં ડબ્બો પૂર બળીને ખાખ થઈ ગયો હતો. અત્રે જણાવીએ કે, આ ટ્રેનમાં ક્ષમતાથી વધુ લોકો સવાર હતા. જે દરમિયાન ટ્રેનમાં આગ લાગી ત્યારે લોકોએ કૂદીને તેમનું જીવ બચાવ્યો હતો. 

#WATCH | Fire broke out in the S1 coach of train 02570 Darbhanga Clone Special when it was passing through Sarai Bhopat Railway station in Uttar Pradesh.

According to CPRO, North Central Railways, there are no injuries or casualties

(Earlier Video; Source: Passenger) pic.twitter.com/mTFHcTlhak

— ANI (@ANI) November 15, 2023

આગ પર કાબૂ મેળવી લેવામાં આવ્યો
આ ટ્રેન દૂર્ઘટનામાં કોઈ જાનહાનિના સમાચાર નથી. ઘટનાસ્થળની તસવીરો અને વીડિયો સામે આવ્યા છે, જે જોઈ દૂર્ઘટાની ભયાનક્તા વિચારી શકાય છે. આ દૂર્ઘટના ખૂબ જ ખતરનાક અને જીવલેવા હતી. સીપીઆરઓ અનુસાર સ્ટેશન માસ્ટરે સ્લીપર કોચમાં ધુમાડો જોયો હતો જ્યારે ટ્રેન ઈટાવા પહેલા સરાઈ ભૂપત સ્ટેશનથી પસાર થઈ રહી હતી. સ્ટેશન માસ્ટરે વોકી ટોકી દ્વારા ટ્રેનના ડ્રાઈવર અને ગાર્ડને જાણ કરી અને ટ્રેન રોકાવી અને પાવર બંધ કરી દીધો હતો ત્યારબાદ મુસાફરોને સ્લીપર કોચમાંથી ઉતારી દેવામાં આવ્યા હતા. ફાયર બ્રિગેડની મદદથી આગ પર કાબૂ મેળવી લેવામાં આવ્યો છે તેમજ કોઈ જાન હાનીની માહિતી સામે આવી નથી. 

અગાઉ મદુરાઈ રેલવે સ્ટેશન પાસે ટ્રેનમાં આગ લાગી હતી
થોડા દિવસ અગાઉ તમિલનાડુના મદુરાઈ રેલવે સ્ટેશન પાસે ટ્રેનમાં આગ લાગવાની ઘટના સામે આવી છે. લખનઉથી રામેશ્વરમ જઈ પહેલી ટ્રેનના ટૂરિસ્ટ કોચમાં આગ લાગવાથી 9 લોકોના મૃત્યુ નિપજ્યાં હતા, જ્યારે 20 મુસાફરો દાઝી જતા તેઓને સારવાર માટે હોસ્પિટલમાં ખસેડવામાં આવ્યા હતા. કેટલાક મુસાફરો ગેસ સિલિન્ડર લઈને ગેરકાયદેસર રીતે કોચમાં પ્રવેશ્યા હતા. જેના કારણે ટ્રેનમાં આગ લાગી હતી. હાલ આગ પર ફાયરની ટીમે કાબૂ મેળવ્યો હતો. રેલવેએ મૃતકોના પરિવારજનોને 10-10 લાખ રૂપિયા સહાયની જાહેરાત કરી હતી.