બેટ પર સ્ટિકર લગાવવા માટે 100 કરોડ લે છે કોહલી! જાણો ધોની-રોહિત-ગેલને મળે છે કેટલા રૂપિયા

પ્લેયર્સ પોતાની રમત કરતા તો વધારે રૂપિયા એડવર્ટાઇઝમેન્ટ દ્વારા કમાય છે. મોટાભાગના પ્લેયર્સ કોઇને કોઇ બ્રાન્ડને પ્રમોટ કરે છે અને તે માટે તેમને મોટી રકમ મળે છે. જે પ્લેયર્સ જેટલો વધારે ફેમસ છે એટલા જ વધારે રૂપિયા તે એડવર્ટાઇઝમેન્ટ દ્વારા કમાઇ લે છે. ક્રિકેટર્સ પોતાની રમત સિવાય કોઇના કોઇ બ્રાન્ડને પ્રમોટ કરીને રૂપિયા કમાય છે. ઇન્ડિયન ક્રિકેટ ટીમના કેપ્ટન વિરાટ કોહલી હાલમાં પોતાના શાનદાર ફોર્મને કારણે તે એડવર્ટાઇઝમેન્ટની દુનિયામાં છવાઇ ગયો છે. તેના શાનદાર ફૉર્મને કારણે તેણે ઘણી પ્રોડક્ટ્સના એડ મળી રહી છે. જો તેના બેટ પર સ્ટિકર લગાવવાની વાત કરવામાં આવે તો ક્રિકેટર્સને કંપનીઓ મોટી સંખ્યામાં રકમ આપે છે. બેટ પર સ્ટિકર લગાવવા માટે ક્રિકેટર અને કંપની વચ્ચે ડિલ થાય છે.

માસ્ટર બ્લાસ્ટર સચિન તેંડુલકરના બેટ પર MRFનું સ્ટિકર લગાવવામાં આવે છે જેના કારણથી તે સયમમાં ઘણું પ્રખ્યાત હતુ. હવે વિરાટ કોહલીના બેટ પર પણ MRFનું સ્ટિકર લગાવવામાં આવે છે હાલના દિવસોમાં વિરાટ કોહલી MRFનો બ્રાન્ડ એમ્બેસેડર છે. આ કંપની વિરાટ કોહલીના બેટના સ્પૉન્સર હોય છે. આ જાણીને આશ્રર્ય થશે કે MRF કોહલીની સાથે 8 વર્ષની ડિલ કરી છે. કોહલીએ કંપની સાથે 100 કરોડની ડીલ કરી છે.

માત્ર વિરાટ કોહલી જ એડવર્ટાઇઝમેન્ટમાં કરોડો રૂપિયા નથી લેતો પરંતુ પૂર્વ કેપ્ટન મહેન્દ્ર સિંહ ધોની રોહિત શર્મા અને વેસ્ટ ઇન્ડિઝનો પ્લેયર ક્રિસ ગેલ પણ મોટી રકમ લે છે. એમ.એસ.ધોનીના બેટ પર ઑસ્ટ્રેલિયન કંપની સ્પાર્ટન સ્પોર્ટ્સનું સ્ટિકર લગાવેલું હોય છે. આ કંપની ધોનીને બેટ પર સ્ટિકરના માધ્યમથી પ્રમોશન કરવા માટે દર વર્ષે 6 કરોડ રૂપિયા આપે છે. ત્યારે ક્રિસ ગેલને પણ સ્પાર્ટન સ્પોર્ટ્સ તરફથી 3 કરોડ દર વર્ષે મળે છે. ઇન્ડિયન ક્રિકેટ ટીમના હિટમેન કહેવાતા રોહિત શર્માને દુનિયાની ફેમસ ટાયર કંપની CEAT તરફથી દર વર્ષે 3 કરોડ રૂપિયા આપે છે.