તાકાત / સેનામાં આધુનિકીકરણ માટે આર્ટિફિશિયલ ઈન્ટેલિજન્સનો કરાશે ઉપયોગ

• સેનાની તાકાતમાં વધારો
• હથિયારો હશે આધુનિક ટેક્નિકથી સજ્જ

સૈનિકો અત્યાધુનિક હથિયારથી સજ્જ
 
પરંતુ હવે સરકાર સંરક્ષણ ક્ષેત્ર (ડિપેન્સ સેક્ટર)માં પણ આર્ટિફિશિયલ ઈન્ટેલિજન્સ ટેક્નિકનો પ્રયોગ કરવા જઈ રહી છે. આગામી બે વર્ષમાં ભારતીય સેનાના સૈનિકો પાસે એવા અત્યાધુનિક હથિયારો હશે, જે આર્ટિફિશિયલ ઈન્ટેલિજન્સ ટેક્નિકથી સજ્જ હશે.

વર્કશોપ યોજી આપવામાં આવી સમજ

આ માટે સેના, નીતિ આયોગ અને દેશની અનેક મોટી ટેક્નિકલ શૈક્ષણિક સંસ્થાઓના નિષ્ણાતો રોડમેપ તૈયાર કરી રહ્યા છે. આ વિઝનને સમજાવવા માટે તાજેતરમાં હિસાર ખાતેના આર્મી કેન્ટમાં સપ્ત શક્તિ દ્વારા આર્ટિફિશિયલ ઈન્ટેલિજન્સ વિષય પર એક વર્કશોપ યોજવામાં આવ્યો હતો.

તેમાં સૈન્યના સાઉથ વેસ્ટ કમાન્ડના આર્મી કમાન્ડર લેફ્ટનન્ટ જનરલ આલોક સિંહ ક્લેર હાજર રહ્યા હતા. આ ઉપરાંત જીઓસી સપ્ત શક્તિ કમાન્ડ લેફ્ટનન્ટ જનરલ આલોકસિંહ, જીઓસી લેફ્ટનન્ટ જનરલ અમરદીપસિંહ ભિંડર અને જીઓસી આર્મ્ડ ડિવિઝન મેજર જનરલ અનિલ રાજ સિંહ પણ હાજર હતા. વર્કશોપ પછી વિવિધ એઆઈ ટેક્નિક પર આધારિત હથિયારો અને
ઉપકરણોનું પ્રદર્શન પણ દર્શાવવામાં આવ્યું હતું.

આર્ટિફિશિયલ ઇન્ટેલિજન્સ ટેકનોલોજીનો ચીન કરી રહ્યું છે ઉપયોગ

ચીન અને પાકિસ્તાન જેવા પાડોશી દેશો સાથે અવારનવાર સરહદ પર તણાવની સ્થિતિ રહેતી હોય છે. ચીન તો આર્ટિફિશિયલ ઇન્ટેલિજન્સ ટેકનોલોજી પર સતત આગળ વધી રહ્યું છે. આવી સ્થિતિમાં ભારત માટે આ નિર્ણય એક પડકારના રૂપમાં સામે આવી રહ્યો છે. આ પડકારનો સામનો કરવા માટે ઈન્ડિયન આર્મી નીતિ આયોગ, રિસર્ચ ઇન્સ્ટિટ્યૂટ અને પ્રાઈવેટ સેક્ટર સાથે મળીને કામ કરશે.

2-3 વર્ષમાં હથિયારોથી સજ્જ થશે સેના

આમાં, નીતિ આયોગ આર્ટિફિશિયલ ઇન્ટેલિજન્સ અને ઈન્ડસ્ટ્રીને પ્રોત્સાહન આપવા માટેનો રસ્તો તૈયાર કરવામાં લાગી ગયું છે તો રિસર્ચ ઈન્સ્ટિટ્યુટ અને ઈન્ડસ્ટ્રી ટેક્નોલોજી પર કામ કરશે. આ તમામના ગઠબંધનથી આગામી બેથી ત્રણ વર્ષમાં એવા હથિયારો તૈયાર કરવામાં આવશે. 

જેનાથી અચૂક નિશાન લગાવવું, દુશ્મન અને મિત્રની ઓળખ કરવી, સર્વેલન્સ ક્ષમતા જેવા અનેક નાના-મોટા કામ થઈ શકશે. જે કાર્ય માટે સેનાએ દુશ્મનના વિસ્તારોમાં દાખલ થવાનું જોખમ ઉઠાવવું પડે છે તે તમામ કામ પણ હવે આર્ટિફિશિયલ ઇન્ટેલિજન્સથી શક્ય બનશે.