ઈન્ડિયન એરફોર્સે એરમેન ગ્રુપ એક્સ ટ્રેડ્સ અને ગ્રુપ વાય ટ્રેડ્સની જગ્યાઓ પર ભરતી કરવાની જાહેરાત કરી છે. આ પરીક્ષા માટે ઓનલાઇન રજિસ્ટ્રેશન 2 જાન્યુઆરી 2020થી શરૂ થશે. જે 20 જાન્યુઆરી 2020 સુધી ચાલશે. જો તમે આ પોસ્ટ્સ માટે અરજી કરવા માંગો છો તો તમે એરફોર્સની ઓફિશિયલ વેબસાઇટ airmenselection.cdac.in અથવા careerindianairforce.cdac.in પર જઈને અરજી કરી શકો છો.
આ જગ્યાઓ માટે અરજદાર 12મુ પાસ હોવું જોઈએ. જો 3 વર્ષીય એન્જિનિયરિંગ મુજબ અરજી કરવી હોય તો અરજદાર પાસે 3 વર્ષનો ડિપ્લોમા હોવો જોઈએ. અરજદારો 250 રૂપિયા પરીક્ષાની ફીસ ચૂકવવી પડશે. ફીસ ડેબિટ કાર્ડ, ક્રેડિટ કાર્ડ, ઇન્ટરનેટ બેંકિંગ દ્વારા ચૂકવી શકાય છે. અરજદાર પાસે માન્ય ઇમેલ આઈડી અથવા મોબાઇલ નંબર હોવો આવશ્યક છે. તમને જણાવી દઈએ કે, આ ભરતી અંગે તમામ કોમ્યુનિકેશન ઇમેલ આઈડી અને મોબાઈલ નંબર પર થશે.
અરજદારનો જન્મ 17 જાન્યુઆરી 2000થી 30 ડિસેમ્બર 2003ની વચ્ચે હોવો આવશ્યક છે. તેમાં બંને તારીખો સામેલ છે. ગ્રુપ એક્સમાં અરજી કરવા માટે અરજદારે 12મા ધોરણમાં ફિઝિક્સ, મેથ્સ અને અંગ્રેજી વિષય હોવો જોઈએ. અંગ્રેજીમાં 50 ટકા માર્કસ હોવા જરૂરી છે. જ્યારે ગ્રુપ વાય માટે માટે, કોઈપણ પ્રવાહમાં બારમા ધોરણમાં 50 ટકા માર્ક્સ આવશ્યક છે.
ટ્રેનિંગ દરમિયાન દર મહિને 14,600 રૂપિયામાં સ્ટાઇપેન્ડ મળશે. આ સિવાય ઈન્ડિયન એરફોર્સમાં ઉપલબ્ધ તમામ સુવિધાઓ પણ તેમાં સામેલ છે. સફળતાપૂર્વક ટ્રેનિંગ પાસ કર્યા પછી, ગ્રુપ એક્સ ટ્રેડ્સના અરજદારોને 33,100 રૂપિયા અને ગ્રુપ વાય ટ્રેડ્સના અરજદારોને દર મહિને 26,900 રૂપિયા મળશે. આ ઉપરાંત ડીએ., એચઆરએ અને અન્ય તમામ જરૂરી અલાઉન્સ આપવામાં આવશે. તમે તેના વિશેની સંપૂર્ણ માહિતી ઓફિશિયલ સૂચનામાં મેળવી શકો છો, જેની લિંક અમે નીચે આપેલી છે.