વિરાટ કોહલીની ગેરહાજરી છતાં ભારતીય ટીમે અજીક્ય રહાણેની કેપ્ટનશીપ હેઠળ એક ઇતિહાસ રચી દીધો છે. બ્રિસ્બેનમાં રમાયેલી ચોથી ટેસ્ટ મેચમાં ભારતે ઓસ્ટ્રેલિયાને 3 વિકેટથી પછાડીને ટેસ્ટ સીરિઝ 2-1થી જીતી લીધી છે.
બ્રિસ્બેનમાં ટીમ ઇન્ડિયાનો વિરાટ વિજય
70 વર્ષ બાદ હાંસલ કરી ઐતિહાસિક જીત
મૅચના આ હતા 5 ટર્નિંગ પોઈન્ટ જેના કારણે ભારતે રચ્યો ઈતિહાસ
ઉલ્લેખનીય છે કે, ભારતે વેસ્ટઇન્ડિઝને ગાબાના મેદાન પર 1951માં સર્વોચ્ચ લક્ષ્યનો પીછો કરીને જીત હાંસલ કરી હતી ત્યારે તેણે 236 રન બનાવ્યા હતા. ટીમ ઇન્ડિયાએ ઓસ્ટ્રેલિયાના અભેદ કિલા બ્રેસ્બેનના ગાબા મેદાનમાં હરાવીને ઇતિહાસ રચી દીધો. બ્રિસ્બેનમાં 33 વર્ષથી ઓસ્ટ્રેલિયન ટીમે હારનો સામનો કર્યો નહોતો પરંતુ ટીમ ઇન્ડિયાએ ઓસ્ટ્રેલિયાની બાદશાહીનો અંત આણી દીધો હતો.
મૅચના આ હતા 5 ટર્નિંગ પોઈન્ટ જેના કારણે ભારતે રચ્યો ઈતિહાસ
1. ઋષભ પંતની તોફાની બેટિંગ
બીજી ઇનિંગમાં જ્યારે ઓસ્ટ્રેલિયન ટીમ દ્વારા લક્ષ્યનો પીછો કરવામાં આવી રહ્યો હતો. ત્યારે ભારતની સામે ડ્રો અને જીત વચ્ચે ભારત સામે ડ્રો અને જીત પૈકી માત્ર એક જ ઓપ્શન હતો ત્યારે ઋષભ પંતે 138 બોલમાં 89 રન ફટકારીને ટીમ ઇન્ડિયાને જીત સુધી પહોંચાડી દીધી.
2. પ્રથમ દાવમાં ઓસ્ટ્રેલિયાની ટીમ 400થી ઓછા રનમાં સમેટાઇ
ભારત માટે મુશ્કેલી એટલા માટે હતી કારણ કે, કોઇ સિનિયર બોલર રમી રહ્યો નહોતો. મહોમ્મદ સિરાઝ, શાર્દુલ ઠાકુર, ટી.નટરાજન. વોશિગ્ટન સુંદર જેવા બોલર્સે કાંગારુંઓની ટીમને 369 રનમાં ઓલ આઉટ કરી હતી.
3. યુવાજોડીએ કાંગારુઓને કર્યા બેહાલ
ભારતીય ટીમ જ્યારે પ્રથમ દાવમાં બેટિંગ માટે ઉતરી તો કાંગારુઓએ મોટો પડકાર ફેંક્યો હતો. વોશિંગ્ટન સુંદરે 62 રન, શાર્દુલ ઠાકુરે 67 રન બનાવ્યા. આ કારણે ભારતીય ટીમે ઓસ્ટ્રેલિયન ટીમની લીડને 30 રન આસપાસ સમેટી લીધી હતી.
4. મહોમ્મદ સિરાઝની કમાલ
બીજી ઇનિંગમાં જ્યારે કાંગારુ બેટિંગ કરવા ઉતર્યા ત્યારે તેમની સામે પડકાર હતો કે ભારતીય ટીમે મોટો લક્ષ્ય આપ્યો છે પરંતુ મહોમ્મદ સિરાઝે બોલિંગ કરીને કમાલ કર્યો હતો. સિરાઝે પોતાની ઇનિ્ગમાં કુલ 73 રન આપીને 5 વિકેટ હાંસલ કરી હતી જેના કારણે કાંગારું ટીમને મોટો ફટકો પડ્યો.
5.ચેતેશ્વર પુજાર બન્યો દીવાલ
બીજી ઇનિંગમાં જ્યારે ભારતને જીત માટે 328 રનની જરૂર હતી ત્યારે ચેતેશ્વર પૂજારા કાંગારુંઓ સામે દીવાલ બનીને ઉભો રહ્યો હતો. તેણે 211 બોલમાં 56 રન ફટકાર્યા હતા.