ટીમ ઇન્ડિયાના વિકેટકીપર બલ્લેબાજ ઋષભ પંત ભલે બે મેચમાં સારું રમ્યો હોય, પરંતુ કટકમાં રમાયેલી નિર્ણાયક વન-ડેમાં તેનું બેટ મૌન રહ્યું અને વિકેટકીપિંગમાં પણ તેણે નિરાશ કર્યા. મેચમાં પંતે એક કરતા વધુ કેચ છોડ્યા હતા.
ઋષભ પંતે એવું તે શુ કર્યું કે ચાહકોને યાદ આવ્યો ધોની
બેટિંગ દરમિયાન ફક્ત સાત રન બનાવનાર પંતે પહેલો કેચ રોસ્ટન ચેજનો છોડ્યો. ૧૬મી ઓવરમાં કુલદીપ યાદવના બીજા બોલ પર ચેજ ચુક્યો અને બોલ તેના બેટના કિનારાએ અડ્યો, અને બોલ પંતના ગ્લોઝ પરથી સરકી ગયો.
તે બાદ 25મી ઓવરમાં રવીન્દ્ર જાડેજાની બોલ પર કેરેબિયનના બેટ્સમેન શીમરોન હેટમાયરનો કેચ છોડ્યો હતો. હેટમાયરે લેગ સાઈડ તરફ શોર્ટ રમ્યો અને બોલ તેના બેટને અડીને પંતના હાથમાં વાગ્યો પરંતુ પંતથી આ કેચ પણ છૂટ્યો હતો.
ત્યાર બાદ પંતે 43.1 ઓવરમાં 89 રનની શાનદાર ઇનિંગ રમનાર નિકોલસ પૂરનનો કેચ છોડ્યો હતો. પંતની આ ખરાબ ફિલ્ડીંગના કારણે સોશિયલ મીડિયા પર ટ્રોલ કરવામાં આવી રહ્યો છે. સોશિયલ મીડિયા પર ચાહકો ધોનીને યાદ કરી રહ્યા છે.