ક્રિકેટ / IND vs WI: ટીમ ઈન્ડીયાનો સીરિઝ પર કબજો, બીજી વનડેમાં વેસ્ટ ઈન્ડીઝને 44 રનથી આપ્યો પરાજય

• અમદાવાદમાં બીજી વનડેમાં ટીમ ઈન્ડીયાની જીત
• વેસ્ટ ઈન્ડીઝને આપ્યો 44 રનથી પરાજય
• સીરિઝ કબજે કરી ટીમ ઈન્ડીયાએ
• પહેલી વનડેમાં પણ ટીમ ઈન્ડીયાનો થયો હતો વિજય 
• 2 વનડેમાં અમદાવાદમાં રમાઈ, હવે 3જી રમાશે 

અમદાવાદના નરેન્દ્ર મોદી સ્ટેડિયમમાં બુધવારે રમાયેલી બીજી વન-ડેમાં ભારતે મહેમાન ટીમ વેસ્ટ ઈન્ડીઝને 44 રનથી પરાજય આપીને 3 મેચની સિરિઝ જીતી લીધી છે. ટીમ ઈન્ડીયાએ વેસ્ટઈન્ડીઝને બીજી વેડન માં 44 રનથી પરાજય આપીને3 મેચની સિરિઝમાં 2-0થી બઢત મેળવી લીધી છે. બીજી વનડેમાં ભારતે પહેલા બેટિંગ કરીને 50 ઓવરમાં 237 રન બનાવ્યાં હતા. જવાબમાં વેસ્ટ ઈન્ડીઝની ટીમ 46 ઓવરમાં 193 રન બનાવી શકી હતી અને આ રીતે 44 રનથી હારી ગઈ હતી. ટીમ ઈન્ડીયાની ચાલુ વર્ષે કોઈ પણ ફોર્મેટમાં પહેલી સિરિઝની જીત છે. સાથે ફુલટાઈમ કેપ્ટન તરીકે રોહિત શર્માની પણ આ પહેલી સિરિઝ જીત છે. ત્રણ વન ડેની શ્રેણીમાં ટીમ ઈન્ડિયા હવે 2-0થી આગળ છે અને શ્રેણી જીતી ચૂકી છે.

India (237/9) beat West Indies by 44 runs in second ODI of three-match series

(Photo: BCCI) pic.twitter.com/3QkMKm2ah7

— ANI (@ANI) February 9, 2022

વેસ્ટ ઈન્ડીઝની સામે 11મી વનડે સિરિઝ જીત્યું ભારત 
ટીમ ઈન્ડીયાએ વેસ્ટ ઈન્ડીઝની સામે સતત 11મી વનડે સિરિઝ જીતી છે. 2007 પછી ભારત વેસ્ટ ઈન્ડીઝની સામે એક પણ સિરિઝ હાર્યું નથી. 

બીજી વનડે જીતમાં પ્રસિદ્ધ કૃષ્ણા હીરો બન્યો
વેસ્ટ ઈન્ડીઝ સામેની બીજી વનડેમાં પેસર પ્રસિદ્ધ કૃષ્ણા હીરો બન્યો છે. પ્રસિદ્ધ કૃષ્ણાએ ખાલી 12 રન આપીને 4 તો શાર્દુલ ઠાકુરે 41 રન આપીને 2 વિકેટ ઝડપી હતી. કૃષ્ણા અને  શાર્દુલ ઠાકુરના આ દમદાર પ્રદર્શનને કારણે ટીમ ઈન્ડીયા બીજી વનડે જીતી શકી હતી.