ભારત અને અમેરિકા વચ્ચે આગામી અઠવાડીયે રાજધાની નવી દિલ્હી ખાતે યોજાનારી ડિફેન્સ ટેક્નોલોજી એન્ડ ટ્રેડ ઇનિસિએટિવ (DTTI) ની બેઠક પહેલા પેન્ટાગને દાવો કર્યો છે કે આ વર્ષના અંત સુધીમાં બંને દેશો વચ્ચે રક્ષા વેપાર 18 બિલિયન ડોલર સુધી પહોંચી જશે.
ભારત-અમેરિકા વચ્ચે રક્ષા વેપાર 18 બિલિયન ડોલર પહોંચે તેવી શક્યતા
ભારતે રોમિયો એન્ટી સબમરીન હેલિકોપ્ટરની કરી હતી માગ
આગામી અઠવાડિયે ભારત-અમેરિકા વચ્ચે યોજાશે ખાસ બેઠક
ભારત-અમેરિકા વચ્ચે રક્ષા વેપાર 18 બિલિયન સુધી પહોંચે તેવી શક્યતા
અમેરિકાના ડિફેન્સ અંડર સેક્રેટરી એલેન એમ લોર્ડ દ્વારા જણવામાં આવ્યું છે કે અમેરિકા ભારત સાથે મિલેટ્રી થી મિલેટ્રી સંબંધ અને સહયોગની દિશામાં કામ કરી રહ્યું છે. આ જ કારણોસર પેન્ટાગને ભારત સાથેના પોતાના રક્ષા વેપરને આ વર્ષના અંત સુધીમાં 18 બિલિયન સુધી પહોંચવાની આશા વ્યક્ત કરી છે. ડિફેન્સ અંડર સેક્રેટરીએ જણાવ્યું કે અમેરિકા DTTIમાં આવવા તેમજ પોતાના ભારતીય સમકક્ષોને મળવા તેમજ સાથે કામ કરવા ઘણું ઉત્સુક છે.
ભારતે રોમિયો એન્ટી સબમરીન હેલિકોપ્ટરની કરી હતી માગ
ઉલ્લેખનીય છે કે ગત વર્ષે ભારતે 24 મલ્ટી રોલ MH 70 રોમિયો એન્ટી સબમરીન હેલિકોપ્ટર (Multi-Role MH-60 Romeo Anti-Submarine Helicopters)ની અમેરિકા પાસે માગ કરી હતી. રક્ષા ઉદ્યોગના સૂત્રો દ્વારા જણાવાયું હતું કે હેલિકોપ્ટરની અંદાજીત કિંમત 2 બિલિયન ડોલર છે. જ્યારે વિશેષજ્ઞોનું માનવું છે કે ભારતને છેલ્લા 1 દાયકામાં આ ખાસ હેલિકોપ્ટરની જરૂરિયાત હતી.
પીએમ મોદી અને અમેરિકાના ઉપરાષ્ટ્રપતિ વચ્ચે થઇ હતી મુલાકાત
સિંગોપોર ખાતે પ્રધાનમંત્રી નરેન્દ્ર મોદી અને અમેરિકાના ઉપરાષ્ટ્રપતિ માઇક પેન્સ વચ્ચે મુલાકાત થઇ હતી. આ દરમિયાન દ્વિપક્ષીય રક્ષા સંબંધ મુખ્ય એજન્ડામાં સામેલ હતું. સૂત્રોએ જણાવ્યું હતું કે MH 60 હેલિકોપ્ટરની ડીલમાં ઓફસેટની જરૂરિયાત પણ સામેલ છે. ભારત આ ડીલમાં લાંબા સમયના ટર્મ પ્લાન સાથે આગળ વધવા માગે છે. આ પ્લાનમાં 123 હેલિકોપ્ટરનું ભારતમાં નિર્માણ પણ સામેલ છે. અમેરિકાના નેવીમા સામેલ થયેલા 60 રોમિયો સી-હોક હેલિકોપ્ટરની ગણના દુનિયા સૌથી આધુનિક હેલિકોપ્ટરમાં થાય છે.