ચીન સાથે બોર્ડર પર તણાવ ભરી સ્થિતિ જોતા ભારતે ડિફેન્સ ડિલ્સમાં તેજી લાવવાની શરૂઆત કરી દીધી છે. અને અમેરિકા પાસેથી વધુ 6 પોસાઇડન એરક્રાફ્ટ ખરીદવાની તૈયારી ચાલી રહી છે. લોંગ રેન્જના આ એરફ્રાફ્ટ પહેલાથી જ ભારતીય નેવીમાં પહેલાથી જ સામેલ છે. ભારતે અમેરિકા પાસેથી પ્રીડેટર-બી આર્મ્ડ ડ્રોન્સની પણ ખરીદી ઝડપી બનાવી છે.
પોસાઇડન એરક્રાફ્ટને બોઇંગ બનાવે છે
પોસાઇડન એરક્રાફ્ટમાં રડારથી લઇ ઇલેક્ટ્રોઓપ્ટિક સેન્સર્સ હોય છે
હારપૂન બ્લોક-2 અને એમકે-54 લાઇટવેટ ટોરપીડોથી સજ્જ
પોસાઇડન એરક્રાફ્ટમાં રડારથી લઇ ઇલેક્ટ્રોઓપ્ટિક સેન્સર્સ લાગેલા હોય છે. સાથે જ હારપૂન બ્લોક-2 અને એમકે-54 લાઇટવેટ ટારપીડોથી સજ્જ હોય છે. પોસાઇડન એરક્રાફ્ટનો ઉપયોગ હાલ હિંદ મહાસાગર ઉપરાંત પૂર્વ લદ્દાખમાં પણ સર્વેલંસ મિશન માટે કરવામાં આવે છે. P-8I એરક્રાફ્ટને બોઇંગ બનાવે છે. જાન્યુઆરી 2009મા 2.1 અબજ ડોલરનો સોદો થયો હતો. નેવી આઠ P-8I એરક્રાફ્ટને પહેલાં જ પોતાના બેડામાં સામેલ કરી ચૂકયા છે. આવનારી ચાર ડિસેમ્બરથી ડિલીવર થવાનું શરૂ થઇ જશે. તેના માટે 2016મા અલગથી 1.1 અબજ ડોલરનો કોન્ટ્રાક્ટ સાઇન કર્યો હતો. મળતી માહિતી મુજબ અંદાજે 1.8 અબજ ડોલરમાં વધુ 6 P-8Is માટે ‘લેટર ઓફ રિક્વેસ્ટ’ રજૂ કરી દીધો છે. આ સોદો પેંટાગનના ફોરેન મિલિટ્રી સેલ્સ પ્રોગ્રામની અંતર્ગત હશે. અમેરિકા કોંગ્રેસના અપ્રૂવલ બાદ ‘લેટર ઓફ એક્સેપ્ટેંસ’ મોકલશે. સોદો આવતા વર્ષની શરૂઆત સુધીમાં થવાની આશા છે.
રાફેલ કરશે ગર્જના
ફ્રાન્સના ઘાતક લડાકુ વિમાન રાફેલની પહેલી ખેપ આ સપ્તાહે ભારત પહોંચી રહી છે. મળતી માહિતી પ્રમાણે ચીનથી તનાતનીને જોતા રાફેલને લદ્દાખ સેકટરમાં તૈનાત કરી શકાય છે. પહેલાં ચાર વિમાન જ આવવાના હતા પરંતુ એરફોર્સની રિક્વેસ્ટ પર ફ્રાન્સે છ રાફેલ 27 જુલાઇ સુધી આપવાનું કહ્યું છે. લદ્દાખમાં ભારત દિવસ કે રાત, ઠંડી કે વરસાદ, દરેક હવામાનમાં દરેક સમયે હુમલો કરવાની ક્ષમતા ડેવલપ કરી રહ્યું છે. રાફેલ તેમાં તેનું મોટું હથિયાર સાબિત થશે. આ લડાકુ વિમાનમાં Meteorના બિયાંડ વિઝુઅલ રેન્જ મિસાઇલ પણ લાગીને આવશે.
ડિફેન્સ ખર્ચ પર ભારત ત્રીજા નંબરે
ભારતનું રક્ષા બજેટ (71.1 અબજ ડોલર) દુનિયામાં ત્રીજા નંબર પર છે. ટોપ-5 દેશોની યાદીમાં પહેલાં નંબર પર અમેરિકા આવે છે. બીજા નંબર પર ચીન ત્યારબાદ ભારત, રશિયા અને સાઉદી અરબનો નંબર આવે છે. 2019મા અમેરિકાનું રક્ષા બજેટ 732 અબજ ડોલર રહ્યું. એ વર્ષે ચીનનું કુલ રક્ષા બજેટ 261 અબજ ડોલર હતું. રશિયાનું રક્ષા બજેટ 65.1 અબજ ડોલર છે. તો સાઉદીનું ડિફેન્સ બજેટ 61.9 અબજ ડોલર છે.