સમજૂતી / અમેરિકાના ઈતિહાસમાં સૌથી લાબું ચાલેલા યુદ્ધનો આજે આવશે અંત, ભારત પણ સામેલ હશે આ ઐતિસહાસિક ક્ષણમાં

• અમેરિકા અને તાલિબાનો વચ્ચે મહત્વનો કરાર
• 19 વર્ષ બાદ અફઘાનિસ્તાનમાં સ્થાપાઇ રહી છે શાંતિ 
• અમેરિકન સૈનિકો પરત ફરશે માદરે વતન 

આ સાથે, લગભગ 18 વર્ષ પછી અમેરિકન સૈનિકોની પરત ફરવાનો માર્ગ સાફ થઈ ગયો છે. આ કરારના સાક્ષી તરીકે 30 દેશોનો સમાવેશ કરવામાં આવશે. તેનો વિશેષ મુદ્દો એ છે કે આ પહેલીવાર થશે જ્યારે ભારત તાલિબાન સાથે સંબંધિત કોઈપણ મામલામાં સત્તાવાર રીતે સામેલ થશે.

ટ્રમ્પના નિર્દેશ પર થઇ રહ્યો છે સમજૂતિ કરાર 

ટ્રમ્પે એક નિવેદનમાં જણાવ્યું હતું કે, ટૂંક સમયમાં મારા આદેશ પર વિદેશ મંત્રી માઇક પોમ્પિયો તાલિબાનના પ્રતિનિધિઓ સાથે એક સમજૂતી કરાર કરશે જ્યારે સંરક્ષણ મંત્રી માર્ક એસ્પર અફઘાનિસ્તાનની સરકારની સાથે સંયુક્ત ઘોષણા-પત્ર જાહેર કરશે. જો તાલિબાન અને અફઘાનિસ્તાન સરકાર પોતાની પ્રતિબદ્ધતાઓ પૂર્ણ કરી શકે થે તો અમે અફઘાનિસ્તાનમાં યુદ્ધ પૂર્ણ કરવાની દિશામાં અડગ રીતે આગળ વધીશું અને અમારા સૈનિકોને ઘરે પરત બોલાવીશું. 

શાંતિ માટે મહત્વનો નિર્ણય 

ટ્રમ્પે જણાવ્યું કે, પ્રતિબદ્ધતાઓ અલ કાયદા, ISIS અને અન્ય આતંકવાદી સંગઠનોથી મુક્ત નવા અફઘાનિસ્તાનમાં દીર્ધકાલિન શાંતિ સ્થાપવા માટેની દિશામાં આ એક મહત્વનું પગલું રહેશે. 

Sources: US-Taliban peace deal to be signed today evening in Doha (Qatar), Indian envoy among 30 countries also invited to witness the event. pic.twitter.com/8x6ShoKGYS

— ANI (@ANI) February 28, 2020

19 વર્ષ પહેલા અમેરિકન સૈનિકો ગયા હતા અફઘાનિસ્તાન 

તેમણે યાદ અપાવ્યું કે આશરે 19 વર્ષ પહેલા અમેરિકન સૈનિકો 9/11 ના હુમલા માટે જવાબદાર આતંકવાદીઓને ખતમ કરવા માટે અફઘાનિસ્તાન ગયા હતા.
 
અમેરિકાના 13000 સૈનિકો છે અફઘાનિસ્તાનમાં 

અફઘાનિસ્તાનમાં 2001થી અમેરિકી સેનાએ ધામા નાંખ્યા છે. તાલિબાનો સાથે છેલ્લાં 19 વર્ષથી અમેરિકા લડી રહ્યું છે. અફઘાનિસ્તાનમાં હાલ 13000 સૈનિકો સ્ટેન્ડ ટૂ છે. અમેરિકા માટે આ જંગ સૌથી ખર્ચાળ સાબિત થયો છે. આ સંઘર્ષમાં અમેરિકાએ પોતાના 2400 સૈનિકો ગુમાવ્યા છે. લાંબા સંઘર્ષ બાદ પણ અમેરિકા તાલિબાનને હરાવી  શકયું નથી. તાલિબાનો હાર માનવાના બદલે વધુને વધુ આક્રમક બની રહ્યા છે. અમેરિકાને અહીં  લાંબાગાળા સુધી સફળતા મળે તેવી આશા દેખાતી નથી. અમેરિકા પોતાના નાગરિકોના ટેકસનાં નાણાં હવે અહીં વેડફવા માગતું નથી ખુદ અમેરિકન નાગરિકોમાંથી  પણ સૈનિકો પર બોલાવી લેવાની માગ થઈ રહી છે. અમેરિકાનું કહેવું છે કે, સમગ્ર દુનિયાને સુરક્ષિત રાખવાનો તેને  ઠેકો નથી લીધો.