આત્મનિર્ભર ભારત / થર-થર કાંપશે ભારતના દુશ્મનો: DRDOએ ઓડિશામાં કર્યું એર ડિફેન્સ સિસ્ટમનું સફળ પરીક્ષણ

• ઓડિશામાં આજે મિસાઈલનું સફળ પરીક્ષણ
• અગાઉ સુપરસોનિક મિસાઈલનું થયું હતું પરીક્ષણ
• ભારત ડિફેન્સ સેક્ટરને મજબૂત બનાવા માગે છે 

ભારતે આજે ઓડિશામાં મધ્યમ રેંજની હવામાં વાર કરતી મિસાઈલ વાયુ રક્ષા સિસ્ટમનું સફળ પરીક્ષણ કર્યું છે. આ પરીક્ષણ બાલાસોર તટ પર કરવામાં આવ્યું છે. તેની જાણકારી DRDOના એક અધિકારીએ આપી હતી. તેમણે જણાવ્યું હતું કે, એર ડિફેંસ સિસ્ટમ ભારતીય સેનાનો ભાગ છે. અધિકારીએ જણાવ્યું હતું કે, આ પરીક્ષણમાં મિસાઈલ ખૂબ જ દૂરથી પોતાના ટાર્ગેટ પર સીધો હુમલો કરી શકે છે. 

MRSAM-Army missile system flight tested from ITR Balasore, Odisha at around 1030 hours intercepting a high-speed aerial target at long range. The target was destroyed by the missile in a direct hit: DRDO officials pic.twitter.com/xCgtQosaIb

— ANI (@ANI) March 27, 2022

23 માર્ચે સુપરસોનિક મિસાઈલનું સફળ પરીક્ષણ

આ અગાઉ ભારતે 23 માર્ચે હવામાં વાર કરતી બ્રહ્મોસ સુપરસોનિક ક્રૂઝ મિસાઈલનું સફળ પરીક્ષણ કર્યું હતું. આ પરીક્ષણ અંડમાન અને નિકોબાર દ્વિપસમૂહમાં કરવામાં આવ્યું હતું. રક્ષા અધિકારીએ આ વાતની જાણકારી આપી હતી. તેમણે જણાવ્યું હતું કે, આ મિસાઈલ ડાયરેક્ટ પોતાના ટાર્ગેટને અચીવ કરે છે. એર ચીફ માર્શલ વીઆર ચૌધરીએ તેને હવામાંથી હવામાં વાર કરતી સુપરસોનિક ક્રૂઝ મિસાઈલના સફળ પરીક્ષણ માટે શુભકામના પણ આપી હતી.

ડિફેંસ સેક્ટર પર સતત ભાર આપી રહ્યું છે ભારત

અહીં ઉલ્લેખનીય છે કે, ભારત સતત પોતાના ડિફેન્સ બજેટને વધારી રહ્યું છે. દેશનું ફોક્સ ડિફેન્સ સેક્ટરમાં આત્મનિર્ભર બનવાનું છે. એટલા માટે કેન્દ્ર સરકાર ભારતના ડિફેંસ ઈંપોર્ટને ઘટાડવા અને એક્સપોર્ટને વધારવાના કામમાં લાગ્યું છે. છેલ્લા આઠ વર્ષમાં ભારત હથિયાર નિકાસમાં 6 ગણો વધારો થયો છે. ચાલૂ નાણાકીય વર્ષમાં અત્યાર સુધીમાં 11607 કરોડ રૂપિયાના હથિયારની નિકાસ કરવામાં આવી છે.